ଭୁବନେଶ୍ବରରେ ଜମି‌ ଦେବାକୁ କହି ୬୮ ଲକ୍ଷ ଟଙ୍କା ଠକେଇ, ୩ ଗିରଫ

ଭୁବନେଶ୍ବର: ଜମି ଦେବାକୁ କହି ଠକେଇ ଘଟଣାରେ ମଞ୍ଚେଶ୍ୱର ଥାନା ଓ ସହିଦନଗର ଥାନା ପକ୍ଷରୁ ୩ ଜଣଙ୍କୁ ଗିରଫ କରାଯାଇଛି । ମଞ୍ଚେଶ୍ୱର ଥାନାରେ ଠକେଇ ଘଟଣାରେ ଅମିତ ନାୟକ ଓ ସଞ୍ଜିତ ମହାପାତ୍ରଙ୍କୁ ପୁଲିସ ଗିରଫ କରିଛି । ଚକେଇସିଆଣିରେ ଜମି ଦେବାକୁ କହି ଜଣେ ମିଛ ମାଲିକଙ୍କ ସହାୟତା ନେଇ ପ୍ରଥମେ ଅଭିଯୁକ୍ତ ଦ୍ବୟ ପ୍ରଥମେ ୪୯ ଲକ୍ଷ ଓ ପରେ ୧୯ ଲକ୍ଷ ଟଙ୍କା ଠକେଇ କରିଥିଲେ । ଉଭୟଙ୍କୁ ଗିରଫ କରାଯାଇଛି ।

ସେହିପରି ଶାରଳା ରିୟଲକନ ବିଲ୍ଡର୍ସ ମୁଖ୍ୟ ଗୟାଧରଜେନାଙ୍କୁ ସହିଦନଗର ପୁଲିସ ଗିରଫ କରିଛି । କାଲି ବିଳମ୍ବିତ ରାତିରେ ଜମି ଠକେଇ ଘଟଣାରେ ତାଙ୍କୁ ଗିରଫ କରାଯିବା ପରେ ଆଉ ଦୁଇଟି କେସ ସାମ୍ନା କୁ ଆସିଛି । ଜମ୍ମୁ କାଶ୍ମୀରର କିଛି ଆର୍ମି ଓ ସିଆରପିଏଫ ଯବାନଙ୍କୁ ସେ ଠକେଇ କରିଛନ୍ତି । ତେଣୁ ଯଦି ଆଉ କାହାକୁ ସେ ଜମି ସଂକ୍ରାନ୍ତିୟ ଠକେଇ କରିଥାନ୍ତି ତେବେ ତୁରନ୍ତ ଆଣ୍ଟି ଫ୍ରଡ଼ ସେଲ ରେ ଯୋଗାଯୋଗ କରିବାକୁ ଡିସିପି ଉମାଶଙ୍କର ଦାସ କହିଛନ୍ତି ।