ମୋ ବସରେ ପଢିବେ ମାଗଣା ଖବରକାଗଜ, ଆଜିଠାରୁ ଆରମ୍ଭ ହେଲା ନୂଆ ସୁବିଧା

ଭୁବନେଶ୍ୱର: ମୋ ବସ ଯାତ୍ରୀଙ୍କ ପାଇଁ ଖୁସି ଖବର କାରଣ ଏଣିକି ଆପଣଙ୍କ ଯାତ୍ରାକୁ ସୁଗମ କରିବା ପାଇଁ ନୂଆ ସୁବିଧା ଆରମ୍ଭ ହୋଇଯାଇଛି ବସ ଯାତ୍ରା କରୁଥିବା ସମୟରେ ଆପଣ ବୋର ହେଉଥିଲେ ଖବରକାଗଜ ପଢିପାରିବେ ଏଥିପାଇଁ ଆପଣଙ୍କୁ କୌଣସି ଅର୍ଥ ଦେବାକୁ ପଡିବ ନାହିଁ | ପ୍ରଥମ ପର୍ଯ୍ୟାୟରେ ୪୪ଟି ଏସି ବସରେ ଏହି ସେବା ଆରମ୍ଭ କରାଯାଇଥିବାବେଳେ ପର୍ଯ୍ୟାୟ କ୍ରମେ ଅନ୍ୟ ସବୁ ବସରେ ଏହି ସେବା ପ୍ରଚଳନ କରାଯିବ |

ସେହିପରି ବର୍ତ୍ତମାନ ଯାତ୍ରୀଙ୍କ ପାଇଁ ଇଂରାଜୀ ଖବରକାଗଜର ବ୍ୟବସ୍ଥା କରାଯାଇଥିବାବେଳେ ଖୁବ ଶୀଘ୍ର ଓଡ଼ିଆ ଖବରକାଗଜ ମଧ୍ୟ ଉପଲବ୍ଧ ହେବ | ଏଭଳି ନୂଆ ସୁବିଧାର ଶୁଭାରମ୍ଭ କରିଛନ୍ତି କୃଟ ଏମ୍‌ଡି ଅରୁଣ ବୋଥ୍ରା |

ଏଠାରେ ସୂଚନା ଥାଉ କି ନଭେମ୍ବର ୬ ତାରିଖରେ 'ମୋ ବସ୍‌’ସେବାର ଶୁଭ ଉଦ୍‌ଘାଟନ କରାଯାଇଥିଲା । ଏହି ମୋ ବସ ସେବାରେ ବସଗୁଡ଼ିକରେ ଓ୍ଵାଇଫାଇ ସେବା ସହିତ ଯାତ୍ରୀମାନଙ୍କ ସୁରକ୍ଷା ପାଇଁ କ୍ଲୋଜ ସର୍କିଟ କ୍ୟାମେରା ବ୍ୟବସ୍ଥା କରାଯାଇଛି।