ଯୁବ ପ୍ରତିଭା କ୍ଲବ ପକ୍ଷରୁ ଗଜଲକ୍ଷ୍ମୀ ପୂଜା

ଭୁବନେଶ୍ବର: ବିଜେବି ନଗରସ୍ଥିତ ଯୁବ ପ୍ରତିଭା କ୍ଲବ ପକ୍ଷରୁ ଗଜଲକ୍ଷ୍ମୀ ପୂଜା ଆୟୋଜନ କରାଯାଇଛି। ଏହି ଅବସରରେ ସେଠାରେ ମୀନାବଜାର ପଡ଼ିବା ସହ ପ୍ରତିଦିନ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଉଛି। ଆଜି ସ୍ଥାନୀୟ ବିଧାୟକ ତଥା ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ପୂଜା ମଣ୍ଡପ ବୁଲିବା ସହ ଆୟୋଜକମାନଙ୍କୁ ଶୁଭେଚ୍ଛା ଜଣାଇଥିଲେ।

ଅନ୍ୟମାନଙ୍କ ମଧ୍ୟରେ କର୍ପୋରେଟର୍‌ କେ. ଶାନ୍ତି, ଅମରେଶ ଜେନା ଓ ଅଜିତ ବେହେରା, ଯୁବନେତା ସନ୍ତୋଷ ବେଜ, ବିପ୍ଳବ ବେହେରା, ବୀରେନ୍ଦ୍ର ଜେନା, ସୂର୍ଯ୍ୟ ଜେନା, ଅଭିନେତା ଚନ୍ଦନ, କଣ୍ଠଶିଳ୍ପୀ ମାନସ ପ୍ରୀତମ୍‌ ପ୍ରମୁଖ ଉପସ୍ଥିତ ଥିଲେ। କ୍ଲବ୍‌ର ସଭାପତି ସମରେଶ ବେଉରା କାର୍ଯ୍ୟକ୍ରମ ପରିଚାଳନା କରିଥିଲେ।