ଗଣ୍ଡରପୁର କପ୍ ଫୁଟ୍ବଲ: ଟାଇବ୍ରେକର୍ରେ ବିଡ଼ାନାସୀ ବିଜୟୀ
ବାରଙ୍ଗ: ଗଣ୍ଡରପୁର ବିଜୁ ପଟ୍ଟନାୟକ ମିନି ଷ୍ଟାଡିୟମ୍ରେ ଚାଲିଥିବା ଫୁଟ୍ବଲ ପ୍ରତିଯୋଗିତାର ସୋମବାର ଅନୁଷ୍ଠିତ ଲିଗ୍ ପର୍ଯ୍ୟାୟ ମ୍ୟାଚ୍ରେ କଟକ ବିଡ଼ାନାସୀ ଭୁଆସୁଣି କ୍ଲବ୍ ବିଜୟୀ ହୋଇ ପରବର୍ତ୍ତୀ ପର୍ଯ୍ୟାୟରେ ପହଞ୍ଚିଛି। କଟକ ଦଳ ଟାଇବ୍ରେକର୍ ୫-୪ ଗୋଲ ବ୍ୟବଧାନରେ ସୋନପୁର ରାମଧୁନ୍ କ୍ଲବ୍କୁ ପରାସ୍ତ କରି ଏହି ସଫଳତା ପାଇଛି।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଗ୍ରାମାଞ୍ଚଳ ବିଭାଗ ମ୍ୟାଚ୍ରେ ଜୟପୁର ବନମହାବୀର କ୍ଲବ୍, ଜଗତସିଂହପୁର ମଇଦପୁର ଦଳକୁ ୧-୦ ଗୋଲ୍ରେ ପରାସ୍ତ କରିଛି। ଦ୍ୱିତୀୟ ମ୍ୟାଚ୍ରେ ବରଦା ଜୟଦୁର୍ଗା କ୍ଲବ୍ ୧-୦ ଗୋଲ୍ରେ ନରଣପଚର ମହାବୀର କ୍ଲବ୍କୁ ପରାସ୍ତ କରିଛି। ମ୍ୟାଚ୍ ପରିଚାଳନା କରିଥିଲେ ସୁଦୀପ୍ତ ଦାସ, ବ୍ରହ୍ମାନନ୍ଦ ଭୋଇ, ସଞ୍ଜୀବ ଦାସ, ଜ୍ୟୋତିପ୍ରକାଶ ସ୍ୱାଇଁ, ରାଜୁ ମହାନ୍ତି ଓ ଅରୁଣ ନାୟକ।