ଗ୍ଲୋବାଲ୍ ଏଜୁକେସନ୍ ଏକ୍ସପୋ ଆଣ୍ଡ କନକ୍ଲେଭ୍‌ ଉଦ୍‌ଯାପିତ

ଚନ୍ଦ୍ରଶେଖରପୁର: ଇଣ୍ଡିଆନ୍ ଚାମ୍ବର ଅଫ୍ କମର୍ସ (ଆଇସିସି) ଓ ଆଫାୟାର୍ସର ମିଳିତ ଆନୁକୂଲ୍ୟରେ ସ୍ୱସ୍ତି ପ୍ରିମିୟମରେ ଚାଲିଥିବା ଦୁଇ ଦିନିଆ ଆଇସିସି ଗ୍ଲୋବାଲ୍ ଏଜୁକେସନ୍ ଏକ୍ସପୋ ଆଣ୍ଡ୍ କନକ୍ଲେଭ୍‌ ଆଜି ଶେଷ ହୋଇଛି। ଉଦ୍‌ଯାପନୀ ଉତ୍ସବରେ ସାଂସଦ ଅମର ପଟ୍ଟନାୟକ, ଶିକ୍ଷାବିତ୍ ବଦ୍ରି ନାରାୟଣ ପଟ୍ଟନାୟକ ଅତିଥି ଭାବେ ଯୋଗଦେଇ ଛାତ୍ରଛାତ୍ରୀଙ୍କୁ ଦିଗଦର୍ଶନ ଦେଇଥିଲେ। ଏହି କନ୍‌କ୍ଲେଭ୍‌ରେ ଛାତ୍ରଛାତ୍ରୀ ସିଧାସଳଖ ଭାଗନେଇ ସେମାନଙ୍କ ଅନନ୍ୟ ଶିକ୍ଷାଗତ ସୁଯୋଗ ପ୍ରଦର୍ଶନ କରିବା ସହ ଅନୁଷ୍ଠାନଗୁଡ଼ିକ ପାଇଁ ପ୍ଲାଟଫର୍ମ ପ୍ରଦାନ କରାଯାଇଥିଲା।

ଦୁଇଦିନିଆ କନକ୍ଲେଭ୍‌ରେ ଛାତ୍ରଛାତ୍ରୀ ୩୬ଟି ଷ୍ଟଲ ପରିଦର୍ଶନ କରିବା ସହ ଶିକ୍ଷଣୀୟ କଥା ଜାଣିବାକୁ ପାଇଥିଲେ। କାର୍ଯ୍ୟକ୍ରମରେ ଆଇସିସି ଓଡ଼ିଶା ରାଜ୍ୟ ପରିଷଦର ଅଧ୍ୟକ୍ଷ ଜେ ବି ପାଣି, ପରିଷଦର ଉପାଧ୍ୟକ୍ଷ ରାଜୀବ ସାହୁ, ଡେପୁଟି ଡାଇରେକ୍ଟର ତଥା ଆଞ୍ଚଳିକ ମୁଖ୍ୟ ଜ୍ୟୋତିପ୍ରକାଶ ପାଲ୍‌, ଆଇସିସି କୌଶଳ ଓ ଶିକ୍ଷା କମିଟି ଆବାହକ ଚିଦାତ୍ମିକା ଖଟୁଆ, ସହ ଆବାହିକା ସିକ୍‌ତା ଦାସ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଛାତ୍ରଛାତ୍ରୀ ଏବଂ ବିଭିନ୍ନ ଶିକ୍ଷାନୁଷ୍ଠାନକୁ ସମ୍ବର୍ଦ୍ଧିତ କରାଯାଇଥିଲା।