ମହିଳାଙ୍କ ସୁନାଚେନ୍ ଝାମ୍ପିନେଲେ
ଭୁବନେଶ୍ବର : ନୂଆପଲ୍ଲୀ ଆଇଆର୍ସି ଭିଲେଜ୍ସ୍ଥିତ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) କାର୍ଯ୍ୟାଳୟ ସମ୍ମୁଖରୁ ୨ଜଣ ଲୁଟେରା ଜଣେ ମହିଳାଙ୍କ ବେକରୁ ସୁନା ଚେନ୍ ଝାମ୍ପି ନେଇଛନ୍ତି। ଲୁଟ୍ର ଶିକାର ହୋଇଥିବା ମହିଳା ହେଲେ ଏନ୍-୩ରେ ରହୁଥିବା ସସ୍ମିତା ସାହୁ। ଏ ନେଇ ସେ ନୂଆପଲ୍ଲୀ ଥାନାରେ ଅଭିଯୋଗ କରିଛନ୍ତି।
ଅଭିଯୋଗ ଅନୁଯାୟୀ, ଗତ ୧୮ତାରିଖ ସକାଳ ୭ଟା ବେଳେ ସେ ନିକଟସ୍ଥ ଶନିମନ୍ଦିରରୁ ପୂଜା ସାରି ଘରକୁ ଫେରୁଥିଲେ। ସେ ଇଡି କାର୍ଯ୍ୟାଳୟ ସମ୍ମୁଖରେ ପହଞ୍ଚିଥିବା ବେଳେ ଏକ ଧଳାରଙ୍ଗର ସ୍କୁଟିରେ ଥିବା ୨ ଦୁର୍ବୃତ୍ତ ହଠାତ୍ ତାଙ୍କ ବେକରୁ ଚେନ୍ ଝାମ୍ପି ନେଇଥିଲେ। ପୁଲିସ ସ୍ଥାନୀୟ ଅଞ୍ଚଳର ସିସିଟିଭି ଫୁଟେଜ୍ରୁ ଦୁର୍ବୃତ୍ତଦ୍ବୟଙ୍କ ବାବଦରେ ସୂଚନା ସଂଗ୍ରହ କରୁଛି।
