ଚଲାପଥର ସୁବର୍ଣ୍ଣ ଜୟନ୍ତୀ ଲୋଗା ଉନ୍ମୋଚିତ

ଭୁବନେଶ୍ୱର: ଚଲାପଥ ଲେଖକ ସମ୍ମିଳନୀର ସୁବର୍ଣ୍ଣ ଜୟନ୍ତୀ ଲୋଗୋକୁ ରାଜ୍ୟପାଳ ପ୍ରଫେସର୍‌ ଗଣେଶୀ ଲାଲ ରାଜଭବନରେ ଉନ୍ମୋଚନ କରିଛନ୍ତି।

ଏହି ଅବସରରେ ଚଲାପଥର ପ୍ରତିଷ୍ଠାତା ବରିଷ୍ଠ ସାମ୍ବାଦିକ ହଳଧର ଧୀର, ଉପଦେଷ୍ଟା ରକ୍ଷକ ନାୟକ, ପୂର୍ବତଟ ରେଳପଥର ଲୋକସମ୍ପର୍କ ଅଧିକାରୀ ନିରାକାର ଦାସ, ଚଲାପଥର ସଭାପତି ସାହିତ୍ୟିକା ବିଜୟଲକ୍ଷ୍ମୀ ମହାନ୍ତି ପଟ୍ଟନାୟକ, ଉପଦେଷ୍ଟା ବାସନ୍ତୀ ଧୀର ଓ ସାହିତ୍ୟିକା ପ୍ରଫେସର୍‌ ଡ. ଝାନ୍‌ସି ସିଂହ ପ୍ରମୁଖ ଉପସ୍ଥିତ ଥିଲେ। ଏହାସହ ରାଜ୍ୟପାଳ ‘ଚଲାପଥ ଆର୍ଟଏଗ୍ଲାନ୍‌ସ ସୂଚନା ପତ୍ର’ କୁ ମଧ୍ୟ ଉନ୍ମୋଚନ କରିଥିଲେ।