ହାଇୱା ଧକ୍କାରେ ଯୁବକ ମୃତ

ଭୁବନେଶ୍ବର: ବାଲି ବୋଝେଇ ହାଇୱା ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ହେଲେ, କଲ୍ୟାଣମୟ ଦାସ। ଘର କେନ୍ଦ୍ରାପଡ଼ା ଜିଲ୍ଲା ପାଟକୁରାରେ। ଏଠାରେ ରସୁଲଗଡ଼ ଅଞ୍ଚଳରେ ରହନ୍ତି। ପୁଲିସ ଏକ ଦୁର୍ଘଟଣାଜନିତ ମାମଲା ରୁଜୁ କରି ହାଇୱାଟିକୁ ଜବତ କରିଛି।

ପୁଲିସ ସୂଚନା ଅନୁଯାୟୀ, ଗତରାତି ପ୍ରାୟ ୨ଟା ବେଳେ ନୂଆ ବାଇପାସ୍ ରାସ୍ତାରେ କଲ୍ୟାଣମୟ ବାଇକ୍‌ରେ ଯାଉଥିବା ବେଳେ କେଶୁରା ଛକରେ ଏକ ବାଲି ବୋଝେଇ ହାଇୱା ତାଙ୍କୁ ଧକ୍କା ଦେଇଥିଲା। ଖବର ପାଇ ପୁଲିସ ତାଙ୍କୁ ଗୁରୁତର ଅବସ୍ଥାରେ ହାଇଟେକ୍ ମେଡିକାଲରେ ଭର୍ତ୍ତି କରାଇଥିଲା। କିନ୍ତୁ ଆଜି ସକାଳୁ ତାଙ୍କର ମୃତ୍ୟୁ ହୋଇଯାଇଥିଲା। ଖବର ପାଇ ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ଲାଗି କ୍ୟାପିଟାଲ ହସ୍ପିଟାଲ ପଠାଇଛି।