ଭୁବନେଶ୍ବର: ସ୍ବାସ୍ଥ୍ୟ ବିଭାଗ ସଚିବ ପଦରେ ଅଧିଷ୍ଠିତ ହେବା ପରେ ପ୍ରଥମ କରି କ୍ୟାପିଟାଲ ହସ୍ପିଟାଲ ପରିଦର୍ଶନ କରିଛନ୍ତି ଶାଲିନୀ ପଣ୍ଡିତ୍। ଆଜି ସଚିବଙ୍କ ସହ ନିର୍ଦ୍ଦେଶିକା ଡି. ବୃନ୍ଦା କ୍ୟାପିଟାଲ ହସ୍ପିଟାଲ ମଧ୍ୟରେ ଚାଲିଥିବା ବିଭିନ୍ନ ନିର୍ମାଣାଧୀନ ପ୍ରକଳ୍ପ ବୁଲି ଦେଖିଥିଲେ। ଶ୍ରୀମତୀ ପଣ୍ଡିତ୍ ଟ୍ରମା କେୟାର ସେଣ୍ଟର, ପିଜିଆଇଏମ୍ଏସ୍ଆରର ବିଭିନ୍ନ ପ୍ରକଳ୍ପ ବୁଲି ସେଠାରେ ନିଯୁକ୍ତ ଥିବା ଯନ୍ତ୍ରୀଙ୍କ ସହ ଆଲୋଚନା କରି ନିର୍ଦ୍ଧାରିତ ସମୟ ପୂର୍ବରୁ କାର୍ଯ୍ୟ ସାରିବାକୁ ନିର୍ଦ୍ଦେଶ ଦେଇଥିଲେ। ଏହାସହ ପିଜିଆଇଏମ୍ଏସ୍ଆର ବିଭିନ୍ନ ଅନ୍ୟସମସ୍ତ କାର୍ଯ୍ୟର ଅଗ୍ରଗତି ସମ୍ପର୍କରେ ସମୀକ୍ଷା କରିଥିଲେ। ସେହିପରି ଜାତୀୟ ସ୍ବାସ୍ଥ୍ୟ ମିସନ୍ର ପରିଚାଳନା ନିର୍ଦ୍ଦେଶିକା ଡି. ବୃନ୍ଦା ହସ୍ପିଟାଲରେ କାର୍ଯ୍ୟକାରୀ ହେଉଥିବା ଏନ୍ଏଚ୍ଏମ୍ ଯୋଜନା ସଂପର୍କରେ ସ୍ଥିତି ଅନୁଧ୍ୟାନ କରିଥିଲେ। ସେହିପରି ରାତିରେ ଖୋର୍ଦ୍ଧା ଜିଲ୍ଲପାଳ କେ. ସୁଦର୍ଶନ ଚକ୍ରବର୍ତ୍ତୀ କ୍ୟାପିଟାଲ ହସ୍ପିଟାଲକୁ ଆସି କାଜୁଆଲିଟି ଓ ଆହାର କେନ୍ଦ୍ର ବୁଲି ଦେଖିଥିଲେ।