ପୁରୁଣା ଭୁବନେଶ୍ୱର : ଟଙ୍କପାଣି ସ୍ୱାଗତ ବିହାରଠାରେ ଆଇଏମ୍‌ଆଇଏସ୍‌ ଭୁବନେଶ୍ୱରର ୨୧ତମ ସମାବର୍ତନ ଉତ୍ସବ ଅନୁଷ୍ଠିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ମୁମ୍ବାଇସ୍ଥିତ ଏଲ୍‌ କ୍ୟାଟ୍‌ରଟନ୍‌ ଏସିଆର ଷ୍ଟ୍ରାଟେଜି ବୋର୍ଡ ମେମ୍ବର ବିଜୁ କୁରିଆନ୍‌, ମୁଖ୍ୟବକ୍ତା ଭାବେ କେନ୍ଦ୍ର ପ୍ରସାର ଭାରତୀର ସିଇଓ ସୁରେଶ ଚନ୍ଦ୍ର ପଣ୍ଡା, ସମ୍ମାନିତ ଅତିଥି ଭାବେ ଜାମସେଦପୁରର ଏକ୍ସଏଲ୍‌ଆର୍‌ଆଇ ପୂର୍ବତନ ନିର୍ଦେଶକ ପ୍ରଫେସର ପି ଡି ଥୋମସ୍‌, ଅନୁଷ୍ଠାନର ଡିନ୍‌ ପ୍ରଫେସର ସତ୍ୟବ୍ରତ ଭୁୟାଁ, ଯୋଗଦେଇ କଠିନ ପରିଶ୍ରମ ଓ ନିଷ୍ଠା ରହିଲେ ଜଣେ ବଡ଼ ମଣିଷ ହୋଇ ପାରିବ ବୋଲି କହିଥିଲେ। ଅନୁଷ୍ଠାନର ମହାନିର୍ଦେଶକ ହେମନ୍ତ କୁମାର ପଟ୍ଟନାୟକ ସ୍ୱାଗତ ଭାଷଣ ପ୍ରଦାନ କରିଥିବାବେଳେ ଅନୁଷ୍ଠାନର ଉପଦେଷ୍ଟା କମଳା ବେଉରିଆ ଅତିଥି ପରିଚୟ ପ୍ରଦାନ କରିଥିଲେ। ଉତ୍ସବରେ ଶ୍ରେଷ୍ଠ ଛାତ୍ରଛାତ୍ରୀ ଭାବେ ସୁଜାତା ଘୋଷ, ମହମ୍ମଦ ୱାଇସ୍‌, ଅର୍ଚନା ମାଝୀ, ସମ୍ରିଦ୍ଧା ଚାର୍ଟଜୀଙ୍କୁ ସ୍ୱର୍ଣ୍ଣ ପଦକ ପ୍ରଦାନ କରାଯାଇଥିଲା। ନିର୍ଦ୍ଦେଶିକା ଡ. ଊଷା କମଲା ଧନ୍ୟବାଦ ପ୍ରଦାନ କରିଥିଲେ। ଶେଷରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା।