ନନ୍ଦନକାନନ ପ୍ରାଣୀ ଉଦ୍ୟାନକୁ ଆସିଲା ନୂଆ ଅତିଥି, ଜନ୍ମନେଲା ଗୟଳ ଛୁଆ
ବାରଙ୍ଗ: କରୋନା ମହାମାରୀ କାଳରେ ରାଜଧାନୀ ଭୁବନେଶ୍ୱରର ଅନ୍ୟତମ ଆକର୍ଷଣୀୟ କେନ୍ଦ୍ର ‘ନନ୍ଦନକାନନ ପ୍ରାଣୀ ଉଦ୍ୟାନ’ ପର୍ଯ୍ୟଟକଙ୍କ ଲାଗି ବନ୍ଦ ଥିବା ବେଳେ ୪୩ ନମ୍ବର ଖୁଆଡ ମଧ୍ୟରେ ଆଜି ନୂଆ ଅତିଥି ଭାବେ ଜନ୍ମ ନେଇଛି ଏକ ଭାରତୀୟ ଗୟଳ ଛୁଆ । ମା’ ଗୟଳଟି ତା ପ୍ରଥମ ଗର୍ଭରୁ ଜନ୍ମିତ ଛୁଆଟିକୁ କ୍ଷୀର ପାନ କରାଇ ଯତ୍ନ ନେଉଛି । ନନ୍ଦନକାନନର ଗୟଳ ସଂଖ୍ୟା ୫କୁ ବୃଦ୍ଧି ହୋଇଛି । ଏହା ମଧ୍ୟରେ ୨ଟି ଲେଖାଏଁ ପୁରୁଷ, ମାଈ ଓ ଲିଙ୍ଗ ଚିହ୍ନଟ ହୋଇନଥିବା ଛୁଆଟି ଅଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ୨୦୧୫ ମସିହା ମେ’ ମାସ ୨୬ ତାରିଖରେ ଏକ ହଳ ଭାରତୀୟ ଗୟଳକୁ ପଂଜାବର ଛତବୀର ଚିଡିଆଖାନାରୁ ନନ୍ଦନକାନନକୁ ଅଣାଯାଇଥିଲା । ଏହି ଯୋଡ଼ି ୪ଟି ଛୁଆଙ୍କୁ ଜନ୍ମ ଦେଇଥିଲେ । ସେମାନଙ୍କ ମଧ୍ୟରୁ ୨ଟିଙ୍କର ମୃତ୍ୟୁ ହୋଇଥିଲା । ଏବେ ଜିବୀତ ଥିବା ୨ଟିଙ୍କ ମିଳନରୁ ଆଜିର ଛୁଆଟି ଜନ୍ମ ନେଇଛି ।