ଇସ୍‌ଲାମିକ ପ୍ରିମିୟର୍‌ ଲିଗ୍‌: ଦ୍ବିତୀୟ ଦିନରେ ଜୟଦେବ ୱାରିୟର୍ସ ବିଜୟୀ

ବାଲିପାଟଣା: ବନମାଳୀପୁର ବଟ ଗ୍ରାଉଣ୍ଡ୍‌ରେ ଚାଲିଥିବା ସପ୍ତମ ଇସ୍‌ଲାମିକ୍‌ ପ୍ରିମିୟର୍‌ ଲିଗ୍‌ (ଆଇପିଏଲ୍‌)ର ଦ୍ବିତୀୟ ଦିବସର ପ୍ରଥମ ମ୍ୟାଚ୍‌ରେ ଜୟଦେବ ଜାଗୁୱାର୍ସ ବିଜୟ ହୋଇଛି। ବିପକ୍ଷ ଫାଇଟର୍‌ ଇଲେଭେନ୍‌ ଟସ୍‌ ଜିତି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୮ ଓଭର୍‌ରେ ୭ ୱିକେଟ୍‌ ହରାଇ ୭୫ ରନ୍ କରିଥିଲା। ଜବାବରେ ଜୟଦେବ ଜାଗୁୱାର୍ସ ୭.୨ ଓଭର୍‌ରେ ୫ ୱିକେଟ୍‌ ହରାଇ ୭୬ ରନ୍‌ କରି ନେଇଥିଲା। ଅତହର ଅଲ୍ଲୀ ଏବଂ ଓଲିଉର୍‌ ରହେମାନ୍‌ ଖେଳ ପରିଚାଳନା କରିଥିଲେ। ହାପିଜ୍‌ ଉଲ୍ଲ ଦୋହା ଏବଂ ଅଖତର୍‌ ଅଲ୍ଲୀ ସ୍କୋର୍‌ ବୋର୍ଡ ପରିଚାଳନା କରିଥିଲା।

ରାତିତମାମ୍‌ ଖେଳାଯିବାକୁ ଥିବା ଏହି ଟୁର୍ଣ୍ଣାମେଣ୍ଟରେ ଆଜି ୧୫ଟି ମ୍ୟାଚ୍‌ ଖେଳାଯିବ। ଇସ୍‌ଲାମିକ୍‌ କ୍ରିକେଟ୍‌ କ୍ଲବ୍‌ର ବରିଷ୍ଠ ସଦସ୍ୟ ହସିବୁଲ୍ଲ ହୋଦା, ସଲମାନ୍‌ ଅଲ୍ଲୀ ଏବଂ ସମସ୍ତ ସଦସ୍ୟ ସହଯୋଗ କରିଥିଲେ। ଅପରପକ୍ଷେ, ଆଜି ମୁଖ୍ୟ ଅତିଥି ଭାବେ ବନମାଳୀପୁରର ମା’ ମଙ୍ଗଳା ଜୁଏଲାରିର ମାଲିକ କୃଷ୍ଣଚନ୍ଦ୍ର ସାହୁ ଏବଂ ଇସ୍‌ଲାମିକ୍‌ କ୍ରିକେଟ୍‌ କ୍ଲବ୍‌ର ଉପଦେଷ୍ଟା ମୀର୍‌ ଜାକିର୍‌ ଅଲ୍ଲୀ ଓରଫ୍‌ ପପୁ ଯୋଗ ଦେଇଥିଲେ।