ବିନା ଡିଏଲ୍ରେ ବାଇକ୍ ଚଳାଇବା ମହଙ୍ଗା ପଡ଼ିଲା, ନାବାଳକକୁ ୨୬ ହଜାର ଜରିମାନା
ଭୁବନେଶ୍ବର: ବିନା ଡ୍ରାଇଭିଂ ଲାଇସେନ୍ସରେ ବାଇକ୍ ଚଳାଇବା ବେଳେ ଜଣେ ନାବାଳକକୁ ଧରିଛନ୍ତି ଆର୍ଟିଓ। ମୋଟର ଯାନ ଆଇନ ଉଲ୍ଲଂଘନକୁ ନେଇ ଆଜି ଚନ୍ଦ୍ରଶେଖରପୁର ଅଞ୍ଚଳରେ ଆରଟିଓ-୧ ପକ୍ଷରୁ ଚାଲିଥିବା ଚଢ଼ଉ ବେଳେ ସମ୍ପୃକ୍ତ ନାବାଳକ ଧରାପଡ଼ିବା ପରେ ଆଇନ ଅନୁଯାୟୀ ତାଙ୍କ ବାଇକ୍ ଜବତ କରାଯିବା ସହ ୨୫ ହଜାର ଟଙ୍କା ଜରିମାନା କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସେହିଭଳି ନାବାଳକ ପଛରେ ବସିଥିବା ସହଯାତ୍ରୀ ହେଲ୍ମେଟ୍ ପିନ୍ଧି ନ ଥିବାରୁ ଅତିରିକ୍ତ ୧ ହଜାର ଟଙ୍କା ଜରିମାନା କରାଯାଇଛି। ନାବାଳକ ନାମରେ ଏଭଳି ମୋଟ ୨୬ ହଜାର ଟଙ୍କାର ଚାଲାଣ କଟାଯାଇଛି। ନାବାଳକ ଜଣକ ଭୀମଟାଙ୍ଗି ଅଞ୍ଚଳର ବୋଲି ଆର୍ଟିଓ ସୂଚନା ଦେଇଛନ୍ତି। ସୂଚନାଯୋଗ୍ୟ, ହେଲ୍ମେଟ୍ ଆଇନ କଡ଼ାକଡ଼ି ହେବା ପରେ ରାଜଧାନୀରେ ପୁଲିସ ଓ ଆର୍ଟିଓ ପକ୍ଷରୁ ଚେକିଂ ଜୋର୍ଦାର୍ ହୋଇଛି। ଆଉ ଆଇନ କଡ଼ାକଡ଼ି ହେବା ପରେ ଏଭଳି ନାବାଳକ ଧରାପଡ଼ିବା ଘଟଣା ଏହା ତୃତୀୟ ବୋଲି କୁହାଯାଉଛି।