ଭୁବନେଶ୍ୱର: ସୁନ୍ଦରପଦା ପରେ ସିଲ ହେଲା ଯଦୁପୁର ଓ ବେଗୁନିଆ
ଭୁବନେଶ୍ୱର: ସୁନ୍ଦରପଦା ପରେ ଭୁବନେଶ୍ୱର ମହାନଗର ନିଗମ ୬୪ ନମ୍ବର ୱାର୍ଡ ଅନ୍ତର୍ଗତ ଯଦୁପୁର ଓ ବେଗୁନିଆକୁ ସିଲ କରିଛି । ଫଳରେ ଏହି ଅଂଚଳର ଲୋକେ ଘରୁ ବାହାରକୁ ବାହାରି ପାରିବେ ନାହିଁ । ରାଜଧାନୀର ଅନ୍ୟ ଅଂଚଳର ଲୋକେ ମଧ୍ୟ ଏହି ଅଂଚଳକୁ ପ୍ରବେଶ କରିପାରିବେ ନାହିଁ ବୋଲି ବିଏମସି ପକ୍ଷରୁ ଏକ ନୋଟିସ ଜାରି କରାଯାଇଛି । ଯଦୁପୁର ଓ ବେଗୁନିଆକୁ ବିଏମସି ଅବରୋଧ ଅଂଚଳ ଘୋଷଣା କରିଛି ।
Sambad is now on WhatsApp
Join and get latest news updates delivered to you via WhatsApp
ବେଗୁନିଆର ପାଲାମଣ୍ଡପ ଛକଠାରୁ ଯଦୁପୁର ପର୍ଯ୍ୟନ୍ତ, ପାଣିଟାଙ୍କି ଠାରୁ ଯଦୁପୁର ଗାଁ, ମୁଖ୍ୟ ରୋଡ ଅଟୋ ଷ୍ଟାଣ୍ଡ ଠାରୁ ଯଦୁପୁର ଗାଁ ଓ ଆମ୍ବେଦକର ଶିକ୍ଷା କେନ୍ଦ୍ର ଠାରୁ ଯଦୁପୁର ଗାଁ ପର୍ଯ୍ୟନ୍ତ ନିଷିଦ୍ଧାଞ୍ଚଳ ଘୋଷଣା ହୋଇଛି ।
ଏକ ବିଜ୍ଞପ୍ତି ଜରିଆରେ ବିଏମସି କହିଛି, ଏହି ନିଷିଦ୍ଧାଂଚଳରେ କେହି ଯିବାଆସିବା କରିପାରିବେ ନାହିଁ । ଏହି ସମସ୍ତରେ ସମସ୍ତେ ଘରେ ରହିବେ । ସମସ୍ତ ଦୋକାନ ବଜାର ବନ୍ଦ ରହିବ । ଅତ୍ୟାବଶ୍ୟକ ସାମଗ୍ରୀ, ଔଷଧ ଆଦି ପ୍ରଶାସନ ଯୋଗାଇବେ । ପରବର୍ତ୍ତୀ ଆଦେଶ ପର୍ଯ୍ୟନ୍ତ ସମସ୍ତ ସରକାରୀ ଓ ଘରୋଇ ସଂସ୍ଥାଗୁଡ଼ିକ ବନ୍ଦ ରହିବ । ବିଏମସି ଏହି ଅଂଚଳରେ ୪ ଜଣ ଅଧିକାରୀଙ୍କୁ ଦାୟିତ୍ୱ ଦେଇଛନ୍ତି ।
ସାନିଟେସନ ପାଇଁ ଡ. ଦେବୀକାରାଣୀ ଧାମିଲ (ମୋବାଇଲ, ୯୪୩୭୦୨୮୯୪୫), ଯୋଗାଣ ପାଇଁ କମଲଜୀତ ଦାସ (ମୋବାଇଲ, ୯୪୩୯୪୩୧୬୭୨), ସ୍ୱାସ୍ଥ୍ୟ ପାଇଁ ଡ. ମଧୁସ୍ମିତା ପ୍ରହରାଜ (ମୋବାଇଲ, ୮୩୨୮୯୨୦୧୨୮) ଓ ଆକ୍ଟିଭ ସରଭାଇଲେନ୍ସ ପାଇଁ ଡ. ଦେବଜୀତ ପରିଡା (ମୋବାଇଲ ୭୦୭୭୩୨୪୭୪୫)ଙ୍କୁ ଦାୟିତ୍ୱ ଦିଆଯାଇଛି ।