‘କିସ୍’ରୁ ଆରମ୍ଭ ହେଲା ଜାପାନିଜ୍ ଏନ୍ସେଫାଲାଇଟିସ୍ ଟିକାକରଣ
ଚନ୍ଦ୍ରଶେଖରପୁର : ଜାପାନିଜ୍ ଏନ୍ସେଫାଲାଇଟିସ୍ (ଜେଇ)ର ସହରସ୍ତରୀୟ ଟିକାକରଣ ପ୍ରକ୍ରିୟା କିସ୍’ରୁ ଆରମ୍ଭ ହୋଇଛି। ଭୁବନେଶ୍ୱର ମେୟର ଅନନ୍ତ ନାରାୟଣ ଜେନା ଏହି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ଏନେଇ ଆଜି କିସ୍ ପରିସରରେ ଅନୁଷ୍ଠିତ ଏକ ଉତ୍ସବରେ ସ୍ୱାସ୍ଥ୍ୟ ବିଭାଗର ନିର୍ଦ୍ଦେଶକ ଓ ୫୦ ଜଣ ସ୍ୱାସ୍ଥ୍ୟକର୍ମୀ ପ୍ରଥମ ପର୍ଯ୍ୟାୟରେ କିସ୍’ର ୨୦ଜହାର ଛାତ୍ରଛାତ୍ରୀଙ୍କୁ ଏହି ଟିକା ପ୍ରଦାନ କରିଥିଲେ। କିସ୍’ରୁ ଆରମ୍ଭ ହୋଇଥିବା ଏହି ଟିକାକରଣ ପ୍ରକ୍ରିୟା ପରବର୍ତ୍ତୀ ପର୍ଯ୍ୟାରେ ରାଜଧାନୀର ସମସ୍ତ ସ୍କୁଲ୍ରେ କରାଯିବ ବୋଲି ମେୟର ଶ୍ରୀ ଜେନା ସୂଚନା ଦେଇଛନ୍ତି। ପ୍ରଥମେ ସ୍କୁଲ୍ ଓ ପରେ ବସ୍ତିଗୁଡ଼ିକରେ ସ୍ୱାସ୍ଥ୍ୟ ବିଭାଗର କର୍ମଚାରୀମାନେ ଘରକୁ ଘର ବୁଲି ସମସ୍ତ ପିଲାଙ୍କୁ ଏହି ଟିକା ପ୍ରଦାନ କରିବେ। ଏହି କାର୍ଯ୍ୟକ୍ରମରେ କିସ୍’ର ସଂପାଦକ ଆର୍ଏନ୍ ଦାସ, ସିଇଓ ପ୍ରଶାନ୍ତ ରାଉତରାୟ ଏବଂ ସିଓଓ ସୂର୍ଯ୍ୟ ମହାନ୍ତି ପ୍ରମୁଖ ଉପସ୍ଥିତ ଥିଲେ।