‘କଥା ଏକ କଂସର’ ମଞ୍ଚସ୍ଥ

ଭୁବନେଶ୍ବର: ଓଡ଼ିଶା ସଙ୍ଗୀତ ନାଟକ ଏକାଡେମି ଓ ଓଡ଼ିଶା ନାଟ୍ୟ ସଂଘର ମିଳିତ ଆନୁକୂଲ୍ୟରେ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ସହଯୋଗରେ ଆୟୋଜିତ ‘ନାଟ୍ୟଧାରା’ କାର୍ଯ୍ୟକ୍ରମର ଦ୍ବିତୀୟ ଦିନରେ ‘କଥା ଏକ କଂସର’ ଆଜି ଭଞ୍ଜ କଳାମଣ୍ଡପରେ ପରିବେଷିତ ହୋଇଯାଇଛି।

ଭୁବନେଶ୍ବରସ୍ଥିତ ‘ଅର୍ପଣ’ ଅନୁଷ୍ଠାନ ପକ୍ଷରୁ ଏହି ନାଟକ ପରିବେଷିତ ହୋଇଥିବା ବେଳେ ନାଟକର ନାଟ୍ୟକାର ହେଉଛନ୍ତି ଦୟାପ୍ରକାଶ ସିହ୍ନା। ନାଟକର ଓଡ଼ିଆ ରୂପାନ୍ତର କରିଛନ୍ତି ରବୀନ୍ଦ୍ର ଦାସ ଓ ଶଙ୍କରଲାଲ୍‌ ପୁରୋହିତ। ନିର୍ଦ୍ଦେଶନା ଦେଇଛନ୍ତି ସୁଶାନ୍ତ କୁମାର ଶତପଥୀ। ଆଜିର ସଂଧ୍ୟାରେ ଅତିଥି ଭାବେ ପୂର୍ବତନ ପ୍ରଶାସନିକ ଅଧିକାରୀ ଦୁର୍ଗାଚରଣ ସାହୁ ଓ ନାଟ୍ୟସଂଘର ସଭାପତି ହରେନ ସାହୁ ଉପସ୍ଥିତ ଥିଲେ।