ଭୁବନେଶ୍ୱର: ଆଜି ସାରା ବିଶ୍ୱରେ ପାଳିତ ହୋଇଛି ଅନ୍ତର୍ଜାତୀୟ ମହିଳା ଦିବସ | ତେବେ ଓଡ଼ିଶା ତଥା ଭାରତ ପାଇଁ ପ୍ରେରଣା ଆଣିଥିବା ଏଭଳି କିଛି ମହିଳାଙ୍କୁ ନେଇ ଏକ ସ୍ୱତନ୍ତ୍ର ଭିଡିଓ ଉତ୍କଳମ୍ରିତା ପକ୍ଷରୁ ପ୍ରସ୍ତୁତ କରାଯାଇଛି | ରାଜଧାନୀ ରାଜରାସ୍ତା କଡରେ ଚିତ୍ରିତ ହୋଇଥିବା କିଛି ପ୍ରେରଣାଦାୟୀ ମହିଳାଙ୍କୁ ଯେଭଳି ରାଜ୍ୟବାସୀ ମନେପକାଇବେ ସେହି ଲକ୍ଷ୍ୟ ନେଇ ଭିଡିଓଟି ପ୍ରସ୍ତୁତ କରାଯାଇଛି | ମାର୍ଚ୍ଚ ୮ ଅବସରରେ ୮ ଜଣ ମହିଳା ହସ୍ତତନ୍ତ ଶାଢ଼ୀ ପିନ୍ଧି ଓଡ଼ିଶାର ୮ ଜଣ ପ୍ରେରଣାଦାୟୀ ମହିଳାଙ୍କୁ ଉପସ୍ଥାପନ କରିଛନ୍ତି | ଏହି ୮ ଜଣ ମହିଳାଙ୍କ ମଧ୍ୟରେ ସଂଯୁକ୍ତା ପାଣିଗ୍ରାହୀ, ଶାରଳା ଦେବୀ, ନନ୍ଦିନୀ ଶତପଥୀ, ତୁଳସୀ ମୁଣ୍ଡା, ଦୁତି ଚାନ୍ଦ, ଡଲି ଜେନା, କୁନ୍ତଳା କୁମାରୀ ସାବତ, ଶଶିମଣି ଦେବୀଙ୍କୁ ସମ୍ମାନ ଜଣାଯାଇଛି | ରାଜନୀତି,କ୍ରୀଡା,ସିନେମା, ସଂସ୍କୃତି, ସାହିତ୍ୟ ସହ ଅନେକରେ ପାରଦର୍ଶିତା ହାସଲ କରିଥିବା ମହିଳାଙ୍କୁ ଭିଡ଼ିଓଟିରେ ସ୍ଥାନିତ କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ସଂଯୁକ୍ତା ପାଣିଗ୍ରାହୀ
ଓଡିଶୀ ନୃତ୍ୟକୁ ସାରା ବିଶ୍ୱରେ ପରିଚିତ କରାଇବା ପଛରେ ସଂଯୁକ୍ତା ପାଣିଗ୍ରାହୀଙ୍କର ଏକ ବଡ ଅବଦାନ ଥିଲା | ସେ ପଦ୍ମଶ୍ରୀ ସମ୍ମାନରେ ସମ୍ମାନିତ ହୋଇଥିଲେ |
ଶାରଳା ଦେବୀ
ଅସହଯୋଗ ଆନ୍ଦୋଳନରେ ପ୍ରଥମ ଓଡ଼ିଆ ମହିଳା ଭାବେ ୧୯୨୧ ମସିହାରେ ଶାରଳା ଦେବୀ ଯୋଗ ଦେଇଥିଲେ | ଏପ୍ରିଲ ୧, ୧୯୩୬ ମସିହାରେ ଓଡ଼ିଶା ବିଧାନସଭାକୁ ପ୍ରଥମ ମହିଳା ଭାବେ ଶାରଳା ଦେବୀ ନିର୍ବାଚିତ ହୋଇଥିଲେ |
View this post on Instagram
ତୁଳସୀ ମୁଣ୍ଡା
ସମାଜସେବୀ ଭାବେ ବେଶ ପରିଚିତ ପଦ୍ମଶ୍ରୀ ତୁଳସୀ ମୁଣ୍ଡା ଆଦିବାସୀ ଇଲାକାରେ ଶିକ୍ଷା ଅଭିଯାନକୁ ପ୍ରସାର କରାଇଥିଲେ | ପ୍ରାୟ ୨୦ ହଜାର ଆଦିବାସୀ ପିଲାଙ୍କୁ ଶିକ୍ଷିତ କରାଇବା ପଛରେ ତୁଳସୀଙ୍କର ଏକ ବଡ ଯୋଗଦାନ ଥିଲା |
ଦୁତି ଚାନ୍ଦ
ଅନ୍ତର୍ଜାତୀୟ ସ୍ତରରେ ବେଶ ସୁନାମ ଅର୍ଜନ କରିଥିବା ଦୁତି ଚାନ୍ଦ, ୧୦୦ ମିଟର ପ୍ରତିଯୋଗିତାରେ ପ୍ରଥମ ଭାରତୀୟ ମହିଳା ଭାବେ ସେ ସ୍ବର୍ଣ୍ଣପଦକ ଜିତିଥିଲେ |
ଡଲି ଜେନା
ଏକାଧାରରେ ଫିଲ୍ମ ନିର୍ଦ୍ଦେଶିକା, ଅଭିନେତ୍ରୀ, ପ୍ରଯୋଜିକା ଭାବେ ପରିଚିତ ଡଲି ଜେନା ୧୯୯୨ ମସିହାରେ ତାଙ୍କର ପ୍ରଥମ ଓଡ଼ିଆ ଡେବ୍ୟୁ ଫିଲ୍ମ ତାରା ପାଇଁ ଜାତୀୟ ପୁରସ୍କାର ପାଇଥିଲେ |
କୁନ୍ତଳା କୁମାରୀ ସାବତ
ସ୍ୱାଧୀନତା ସଂଗ୍ରାମ ଆନ୍ଦୋଳନ ସମୟରେ ସ୍ୱାଧୀନତା ସଂଗ୍ରାମୀ ଭାବରେ କୁନ୍ତଳା କୁମାରୀ ସାବତ ବେଶ ସୁନାମ ଅର୍ଜନ କରିଥିଲେ | ଏକାଧାରରେ ଜଣେ ଲେଖିକା,ନେତ୍ରୀ ସାମାଜିକ କର୍ମୀ ଭାବେ ସେ ବେଶ ଜଣାଶୁଣା |
ଶଶିମଣି ଦେବୀ
ଜଗନ୍ନାଥ ମହାପ୍ରଭୁଙ୍କ ଶେଷ ଦେବଦାସୀ ଭାବେ ପରିଚିତ ଶଶିମଣି ଦେବୀ ୧୨ ବର୍ଷ ବୟସରୁ ଦେବଦାସୀ ହୋଇଥିଲେ | ୨୦୧୫ ମସିହା ମାର୍ଚ୍ଚରେ ୯୨ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା |
ନନ୍ଦିନୀ ଶତପଥୀ
ଓଡ଼ିଶାର ପ୍ରଥମ ମହିଳା ମୁଖ୍ୟମନ୍ତ୍ରୀ ଭାବେ ପରିଚିତ ନନ୍ଦିନୀ ଶତପଥୀ ୧୯୭୧ରୁ ୧୯୭୬ ପର୍ଯ୍ୟନ୍ତ କ୍ଷମତାରେ ଥିଲେ | ୫୦ ବର୍ଷର ରାଜନୀତି କ୍ୟାରିୟର ମଧ୍ୟରେ ସେ କେବେ ବି ନିର୍ବାଚନ ହାରିନଥିଲେ |