ରାଜଧାନୀରେ ସାମ୍ବାଦିକଙ୍କୁ ଖଣ୍ଡା ଦେଖାଇ ଲୁଟିଲେ ଦୁର୍ବୃତ୍ତ
ଭୁବନେଶ୍ବର: ରାଜଧାନୀରେ ସାମ୍ବାଦିକଙ୍କୁ ଖଣ୍ଡା ଦେଖାଇ ଲୁଟିଲେ ଦୁର୍ବୃତ୍ତ। ନୟାପଲ୍ଲୀ ଥାନାଠାରୁ ମାତ୍ର ୧୦୦ ମିଟର ଦୂରରେ ମାରଣାସ୍ତ୍ର ଦେଖାଇ ଲୁଟ୍ କରିଥିବା ଅଭିଯୋଗ ହୋଇଛି। ଏକ ନିର୍ଦ୍ଧିଷ୍ଟ ଗଣମାଧ୍ୟମର ପ୍ରତିନିଧି ସୌମ୍ୟରଂଜନ ସେଠୀ ରାତି ୧୧ଟାରେ ଡ୍ୟୁଟି ସାରି ଘରକୁ ଫେରୁଥିବା ବେଳେ ଜାତୀୟ ରାଜପଥ କଡ଼ରେ ଲୁଟେରା ମାନେ ସାମ୍ବାଦିକଙ୍କୁ ଅଟକାଇଥିଲେ।
Sambad is now on WhatsApp
Join and get latest news updates delivered to you via WhatsApp
ବେକରେ ମାରଣାସ୍ତ୍ର ଦେଖାଇ ୨ଟି ମୋବାଇଲ ନେବା ସହ ସୁନା ମୁଦି ଖୋଲିବା ପାଇଁ କହିଥିଲେ। ହାତରୁ ମୁଦି ନଖୋଲିବାରୁ ହାତ କାଟି ସୁନା ମୁଦି ଲୁଟିନେଇଛନ୍ତି ଲୁଟେରା । ଘଟଣାସ୍ଥଳରୁ ଦୁର୍ବୃତ୍ତମାନେ ଫେରାର ହେବା ପରେ ଖବର ପାଇଁ ପୁଲିସ ଘଟଣା ସ୍ଥଳରେ ପହଞ୍ଚିଥିଲା। ଏନେଇ ନୟାପଲ୍ଲୀ ଥାନାରେ ଲିଖିତ ଅଭିଯୋଗ କରିଛନ୍ତି ସାମ୍ବାଦିକ ସୌମ୍ୟରଂଜନ ସେଠୀ। ଏନେଇ ଅଧିକ ତଦନ୍ତ ଜାରି ରଖିଛି ନୟାପଲ୍ଲୀ ଥାନା ପୁଲିସ।