ଯୁବକଙ୍କ ମୁଣ୍ଡକୁ ହାଣି ଲୁଟିଲେ
ଭୁବନେଶ୍ବର, ୧।୧୨(ଇମିସ) : ସାଲିଆସାହି ମଇଳା ଟାଙ୍କି ଛକରେ ଗତକାଲି ବିଳମ୍ବିତ ରାତିରେ ଜୟଦେବବିହାରର ଆଶିଷ ପଟ୍ଟନାୟକ ଲୁଟେରାଙ୍କ ଶିକାର ହୋଇଛନ୍ତି। ୩ ଜଣ ଦୁର୍ବୃତ୍ତ ତାଙ୍କୁ ମାରଣାସ୍ତ୍ରରେ ଆକ୍ରମଣ କରି ମୋବାଇଲ୍ ଓ ଟଙ୍କା ଲୁଟି ନେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆଶିଷଙ୍କ ଅଭିଯୋଗ ଅନୁଯାୟୀ, ସେ ଏକାମ୍ରକାନନ ରୋଡ୍ ଦେଇ ଘରକୁ ଫେରୁଥିଲେ। ରାସ୍ତାରେ ତାଙ୍କ ଗାଡ଼ିରୁ ପେଟ୍ରୋଲ ସରିଯିବାରୁ ସେ ଗାଡ଼ିକୁ ଗଡ଼ାଇ ଗଡ଼ାଇ ଯାଉଥିଲେ। ଏତିକିବେଳେ ୩ ଜଣ ଦୁର୍ବୃତ୍ତ ତାଙ୍କ ପାଖକୁ ଆସି ଅତର୍କିତ ଆକ୍ରମଣ କରି ମୋବାଇଲ୍ ଫୋନ୍ ଓ କିଛି ଟଙ୍କା ଛଡ଼ାଇନେଇଥିଲେ। ଦୁର୍ବୃତ୍ତଙ୍କ କୌଣସି ମାରଣାସ୍ତ୍ର ଚୋଟରେ ତାଙ୍କ ମୁଣ୍ଡରେ କ୍ଷତ ସୃଷ୍ଟି ହୋଇଥିଲା। ଏନେଇ ସେ ନୂଆପଲ୍ଲୀ ଥାନାରେ ଅଭିଯୋଗ କରିଛନ୍ତି।