ଭୁବନେଶ୍ବର: ହନିଟ୍ରାପ ଘଟଣାରେ ମାୟାବିନୀ ଅର୍ଚ୍ଚନା ନାଗ ଓ ତାଙ୍କ ସ୍ବାମୀ ଜଗବନ୍ଧୁଙ୍କ କଳା ସାମ୍ରାଜ୍ୟକୁ ଛାନଭିନ ଆରମ୍ଭ କରିଛି ପୁଲିସ। ସେ କେମିତି ଏଭଳି ଐଶରେ ବଂଚୁଥିଲେ। କାହା କାହା ସହିତ ତାଙ୍କର କଳା କାରବାର ଅଛି ତାକୁ ନେଇ ପୁଲିସ ଖୋଳତାଡ ଆରମ୍ଭ କରିଥିବାବେଳେ ତାଙ୍କ ଗୁମର ଦିନକୁ ଦିନ ଫିଟିବାରେ ଲାଗିଛି।

Advertisment

publive-image Argus News

ଆଉ ଏକ ହ୍ୱାଟସ୍‌ଆପ୍‌ ଚାଟ୍‌ ଭାଇରାଲ

ଗତକାଲି ପରି ଆଜି ମଧ୍ୟ ଅର୍ଚ୍ଚନାଙ୍କ ହ୍ୱାଟସ୍‌-ଆପ୍ ଚାଟ୍‌ର ଆଉ କିଛି ଅଂଶ ସୋସିଆଲ ମିଡିଆରେ ଭାଇରାଲ ହୋଇଛି। ସେଥିରେ ଜଣେ ଯୁବତୀଙ୍କୁ ଅର୍ଚ୍ଚନା ମନେଇବାକୁ ଚେଷ୍ଟା କରୁଛନ୍ତି। ହେଲେ ଯୁବତୀଜଣକ କହୁଛନ୍ତି, ବହୁତ ଟଙ୍କା ଦେବେ ବୋଲି କହିବାରୁ ସେମାନଙ୍କ କଥାରେ ମୁଁ ରାଜି ହୋଇଥିଲି। ଏବେ ନ ମାନିଲେ ମୋ ଜୀବନ ପ୍ରତି ବିପଦ ଅଛି। ଅର୍ଚ୍ଚନା ଉକ୍ତ ଯୁବତୀଙ୍କୁ ପ୍ରତିଶ୍ରୁତି ଦେଉଛନ୍ତି ଯେ ସେ ଯାହା କହିବ, ତାକୁ ମାନିନେ। ଏପରିକି ସେ ଯାହା ବି ମାଗିବେ, ତାଙ୍କୁ ଦେବୁ। ତାଙ୍କୁ ସାହାଯ୍ୟ କର, ତୋ’ ଭବିଷ୍ୟତ ସଜାଡ଼ି ହୋଇଯିବ। ଏହାପରେ ଯୁବତୀଜଣକ ଏକ ସର୍ତ୍ତ ବି ରଖିଛନ୍ତି ଯେ ବିନା ଅନୁମତିରେ ତାଙ୍କ ରୁମ୍‌କୁ କେହି ବି ଯିବେନି। ନଚେତ୍‌ ମୋ’ଠାରୁ କେହି ଅଧିକ ଖରାପ ହେବେନି। ସମ୍ପୃକ୍ତ ଯୁବତୀ ଏହା ମଧ୍ୟ କହିଛନ୍ତି, ଯିଏ ଆପଣଙ୍କୁ ପଠାଇଥିଲେ, ସିଧା ତାଙ୍କ ଘରକୁ ଯିବି। ଏଭଳି ଚାଟିଂରୁ ସ୍ପଷ୍ଟ ହେଉଛି କି ନିଶ୍ଚିତ ଭାବେ ଅର୍ଚ୍ଚନାଙ୍କ କଳାଧନ୍ଦା ସମ୍ପର୍କରେ କଥା ହେଉଛନ୍ତି। ଯେଉଁ ପୁରୁଷଙ୍କ କଥା ଉଠୁଛି, ସେ ବ୍ୟକ୍ତିଜଣକ କିଏ? ଏହାଛଡ଼ା କାହା ଘରକୁ ସିଧାସଳଖ ଯିବାକୁ କହୁଛନ୍ତି ସେହି ଯୁବତୀ, ତାହା ମଧ୍ୟ ପ୍ରଶ୍ନ ସୃଷ୍ଟି କରିଛି।

ଇନ୍ସପେକ୍ଟର୍‌ଙ୍କ ଦେଖା ମିଳୁନି

ଅର୍ଚ୍ଚନାଙ୍କୁ ଖଣ୍ଡଗିରି ଥାନା ପୁଲିସ ଗିରଫ କରିବାର କିଛି ଘଣ୍ଟା ପରେ ଥାନା ଇନ୍ସପେକ୍ଟର୍‌ ଦୟାନିଧି ନାୟକଙ୍କର ଆଉ ଦେଖା ମିଳୁନାହିଁ। ସେ କାହିଁକି ଥାନାକୁ ଆସୁନାହାନ୍ତି, କ’ଣ ତାଙ୍କର ସମସ୍ୟା, ତାହା ଜଣାପଡ଼ିନାହିଁ। କିଏ କହୁଛନ୍ତି ସେ ଦଶହରାରେ ଡ୍ୟୁଟି କରି ଅସୁସ୍ଥ ହୋଇପଡ଼ିଛନ୍ତି ତ ଆଉ କିଏ କହୁଛନ୍ତି ସେ ଛୁଟିରେ ସାତଭାୟା ବୁଲିବାକୁ ଯାଇଛନ୍ତି। ହେଲେ ବୁଝାପଡ଼ୁନି, ଅର୍ଚ୍ଚନାଙ୍କୁ ଗିରଫ କରିବା ପରେ ଥାନାରେ ଏମିତି କାହିଁକି ଅନୁପସ୍ଥିତ ରହିଲେ। ଏପରିକି ଯୋଗାଯୋଗ କଲେ ମଧ୍ୟ ସେ ଫୋନ୍ ଉଠାଉନାହାନ୍ତି।

ପ୍ରକାଶଥାଉକି, ଗତ ୨ ତାରିଖରେ ପୀଡ଼ିତା ଦେହ ବ୍ୟବସାୟର ଅଭିଯୋଗ ଆଣି ଖଣ୍ଡଗିରି ଥାନାରେ ଏତଲା ଦେଇଥିଲେ। ଏତଲା ଆଧାରରେ ଖଣ୍ଡଗିରି ଥାନା ପୁଲିସ ଆଇଟି ଆକ୍ଟ ସମେତ ପ୍ରାୟ ୧୬ଟି ସଙ୍ଗିନ୍‌ ଦଫା ଲଗାଇ ମାମଲା ରୁଜୁ କରିଥିଲେ। ନିୟମ ଅନୁସାରେ, ମାମଲାରେ ଆଇଟି ଆକ୍ଟ୍ ଲାଗି ଥିବାରୁ ଇନ୍ସପେକ୍ଟର୍‌ ରୢାଙ୍କର ଅଧିକାରୀ ହିଁ ମାମଲାର ତଦନ୍ତ ଭାର ନେବେ। ତେଣୁ ଥାନା ଅଧିକାରୀ ଦୟାନିଧି ନାୟକ ନିଜେ ତଦନ୍ତ ଭାର ନେଇଥିଲେ। ତଦନ୍ତ ଭାର ଗ୍ରହଣ କରିବା ପରେ ରାଣୀ ମହୁମାଛି ଅର୍ଚ୍ଚନାକୁ ଗିରଫ କରିଥିଲେ। କିନ୍ତୁ ତା’ ପରଠାରୁ ଆଇଆଇସି ଦୟାନିଧି ନାୟକ ଥାନାରେ ଦେଖା ମିଳୁନାହାନ୍ତି।

ବାଇନ କିଏ?

ଅର୍ଚ୍ଚନା ଓ ତାଙ୍କ ପରିବାର ମଝିରେ ବାଇନ ନାମକ ଜଣେ ଯୁବକ କିଏ ? ଯାହାକୁ ନେଇ ଦମ୍ପତିଙ୍କ ମଧ୍ୟରେ ବିଭିନ୍ନ ସମୟରେ ଝଗଡ଼ା ଲାଗି ରହୁଥିଲା। ଏପରିକି କଥା ଥାନା ପର୍ଯ୍ୟନ୍ତ ମଧ୍ୟ ଯାଇଥିଲା। ପୁଲିସ ସମସ୍ତଙ୍କୁ ବସାଇ ମୀମାଂସା ମଧ୍ୟ କରାଇଥିଲା। ବାଇନଙ୍କ ସହ ପରିବାରର କ’ଣ ସମ୍ପର୍କ, ତାକୁ ନେଇ ଏବେ ସ୍ଥାନୀୟ ଅଞ୍ଚଳରେ ଜୋରଦାର ଆଲୋଚନା ଚାଲିଛି। ପୁଲିସ ଏ ଦିଗରେ ମଧ୍ୟ ଅନୁସନ୍ଧାନ କରୁଛି।