ମୋବାଇଲ ଲୁଟି ଜେଲ୍ ଗଲେ ୨
ଧଉଳି: ମୋବାଇଲ ଝାମ୍ପିବା ଅଭିଯୋଗରେ ଧଉଳି ଥାନା ପୁଲିସ ଦୁଇଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି। ଲୁଟେରାଦ୍ବୟ ହେଲେ, ଲକ୍ଷ୍ମୀସାଗର ଥାନା ଅଞ୍ଚଳର ସଞ୍ଜୟ ଦାଶ (୩୬) ଓ ପିପିଲି ଥାନା କୌଶଲ୍ୟାପୁର ଗ୍ରାମର ସଞ୍ଜୟ ସାହୁ(୨୯)। କୋର୍ଟରେ ଜାମିନ ଖାରଜ ହେବାରୁ ଦୁହିଁଙ୍କୁ ଝାରପଡ଼ା ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ସ୍ଥାନୀୟ ସରଦେଇପୁର ଗ୍ରାମର ବିଶ୍ୱକର୍ମା ଭୋଇ ଓ ତାଙ୍କ ସାଙ୍ଗ ଗତକାଲି ଶାନ୍ତିସ୍ତୂପ ନିକଟରେ ସାନ୍ଧ୍ୟଭ୍ରମଣ କରୁଥିବା ବେଳେ ଅଭିଯୁକ୍ତଦ୍ବୟ ସେମାନଙ୍କ ମୋବାଇଲ ଛଡ଼ାଇ ବାଇକ୍ରେ ଖସିଯିବାକୁ ଉଦ୍ୟମ କରିଥିଲେ। ହେଲେ ଉପସ୍ଥିତ ଲୋକେ ସେମାନଙ୍କୁ କାବୁ କରି ପିସିଆର୍ ଜିମା ଦେଇଥିଲେ।