ମଦର୍ସ ବାସ୍କେଟ୍‌ବଲ୍ ଲିଗ୍‌: ହରିକେନ୍ସ, ଆଭେଞ୍ଜର୍ସ ବିଜୟୀ

ଭୁବନେଶ୍ବର: ୟୁନିଟ୍‌-୧ସ୍ଥିତ ମଦର୍ସ ପବ୍ଲିକ ସ୍କୁଲ୍‌ ପରିସରରେ ଚାଲିଥିବା ସପ୍ତମ ମଦର୍ସ ବାସ୍କେଟବଲ୍‌ ଲିଗ୍‌ର ତୃତୀୟ ଦିବସରେ ହରିକେନ୍ସ ଓ ଆଭେଞ୍ଜର୍ସ ଦଳ ବିଜୟୀ ହୋଇଛନ୍ତି। ବାଳକ ବିଭାଗରେ ହରିକେନ୍ସ ୫୭-୫୧ ପଏଣ୍ଟରେ ସ୍ପାର୍ଟନ୍ସକୁ ପରାସ୍ତ କରିଛି।

ହରିକେନ୍ସ ପକ୍ଷରୁ ବ୍ରହ୍ମାନନ୍ଦ ସର୍ବାଧିକ ୨୭ ପଏଣ୍ଟ ସ୍କୋର୍‌ କରିଥିବାବେଳେ ସ୍ପୋର୍ଟନ୍ସ ପାଇଁ ଦିବ୍ୟଜ୍ୟୋତି ୧୫ ଓ ସ୍ବସ୍ତିକ ୧୧ ପଏଣ୍ଟ ସ୍କୋର୍‌ କରିଥିଲେ। ବାଳିକା ବିଭାଗରେ ଆଭେଞ୍ଜର୍ସ ଉତ୍କଣ୍ଠାପୂର୍ଣ୍ଣ ଭାବେ ୩୧-୨୮ରେ ହୁପର୍ସକୁ ପରାସ୍ତ କରିଛି। ‌ଆଭେଞ୍ଜର୍ସ ପକ୍ଷରୁ ସୋନାଲି ୧୦, ଅଙ୍କିତା ୬, ନାଭ୍ୟା ୫ ପଏଣ୍ଟ ଏବଂ ହୁପର୍ସ ପାଇଁ କାଜଲ ୧୨, ତନୁଶ୍ରୀ ୫, ସ୍ନେହା ୪ ପଏଣ୍ଟ ସ୍କୋର୍‌ କରିଥିଲେ। ମ୍ୟାଚଗୁଡିକୁ ଶିଶିର, ସାହିଦ, ଦୀପକ, ଦେବପ୍ରସାଦ ଏବଂ ସଂଜୀବ ପରିଚାଳନା କରିଥିଲେ।