ଡିଏଭି ଚନ୍ଦ୍ରଶେଖରପୁରରେ ‘ନବାଙ୍କୁର’ ଉଦ୍‌ଘାଟିତ

ଚନ୍ଦ୍ରଶେଖରପୁର: ଉପଯୁକ୍ତ ଲକ୍ଷ୍ୟ ଧାର୍ଯ୍ୟ କରିବା ପରେ ତାହାକୁ ହାସଲ କରିବା ନିମନ୍ତେ ଏକନିଷ୍ଠ ସାଧନା ବଜାୟ ରଖିଲେ ସର୍ବଦା ସଫଳତା ମିଳିଥାଏ ବୋଲି ଚନ୍ଦ୍ରଶେଖରପୁର ଡିଏଭି ପବ୍ଲିକ ସ୍କୁଲର ଅଭିଭାବକ ଦିବସ ‘ନବାଙ୍କୁର’କୁ ଉଦ୍‌ଘାଟନ କରି ସାହିତ୍ୟିକ ହରିହର ପଣ୍ଡା କହିଛନ୍ତି।

ବିଦ୍ୟାଳୟର ଚେୟାରମ୍ୟାନ୍‌ ଶରତ ଚନ୍ଦ୍ର ମିଶ୍ର, ପ୍ରତିଭା ମିଶ୍ର, ଡିଏଭି ଆଞ୍ଚଳିକ ନିର୍ଦେଶକ କେ ସି ଶତପଥୀ, ବସନ୍ତ ମଞ୍ଜରୀ ଶତପଥୀ, ଡିଏଭି କଳିଙ୍ଗନଗର ଚେୟାରମ୍ୟାନ୍‌ ମଦନମୋହନ ପଣ୍ଡା ପ୍ରମୁଖ ଅତିଥି ଭାବେ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ। ବିଦ୍ୟାଳୟର ଅଧ୍ୟକ୍ଷା ଇନ୍ଦିରା ଭଟ୍ଟାଚାର୍ଯ୍ୟ ବାର୍ଷିକ ବିବରଣୀ ପାଠ କରିଥିଲେ। ଏହି ଅବସରରେ ଟାବ୍‌ଲଏଡ୍‌ ‘ବିକନ’କୁ ଅତିଥିମାନେ ଉନ୍ମୋଚନ କରିବା ସହ କୃତୀ ଛାତ୍ରଛାତ୍ରୀ ଓ ଅଭିଭାବକଙ୍କୁ ସମ୍ବର୍ଦ୍ଧିତ କରାଯାଇଥିଲା। ପରେ ଛାତ୍ରଛାତ୍ରୀଙ୍କ ଦ୍ବାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା।