ଭୁବନେଶ୍ବର : ରାଜଧାନୀରେ ମଦ ଦୋକାନ ଖୋଲିବ ନା ନାହିଁ ? ରାତି ପର୍ଯ୍ୟନ୍ତ ଏମିତି ପ୍ରଶ୍ନରେ ଛନ୍ଦି ହୋଇ ପଡ଼ିଥିଲେ ରାଜଧାନୀର ମଦୁଆ। ଗ୍ରିନ୍ ଜୋନରେ ଥିବା ମଦ ଦୋକାନ ଆଗରେ ସାମାଜିକ ଦୂରତ୍ବ ରକ୍ଷା କରିବା ଲାଗି ବୃତ୍ତ ଚିହ୍ନିତ ହେଉଥିବା ଫଟୋ ସୋସିଆଲ ମିଡିଆରେ ଭାଇରାଲ୍ ହେବା ପରେ ରାତି ପର୍ଯ୍ୟନ୍ତ କେତେକ ଯୁବକ ମଦ ଦୋକାନ ଆଗରେ ଚକ୍କର୍ କାଟୁଥିବା ଦେଖିବାକୁ ମିଳିଥିଲା। କିନ୍ତୁ ମଦ ଦୋକାନ ଖୋଲିବ ନାହିଁ ବୋଲି ସ୍ପଷ୍ଟ କରିଛନ୍ତି ପୁଲିସ କମିସନର ସୁଧାଂଶୁ ଷଡ଼ଙ୍ଗୀ। ରାଜଧାନୀର କୌଣସି ସ୍ଥାନରେ ମଦ ଦୋକାନ ଖୋଲିବ ନାହିଁ ବୋଲି ପୁଲିସ କମିସନର ଶ୍ରୀ ଷଡଙ୍ଗୀ କହିଛନ୍ତି।