ଭୁବନେଶ୍ବର : ଓଡ଼ିଶା ଡ୍ୟାନ୍ସ ଏକାଡେମିର ୩୫ତମ ବାର୍ଷିକ ନୃତ୍ୟ ମହୋତ୍ସବ ‘ନୃତ୍ୟମ୍ବଦା’ ଆଜି ରବୀନ୍ଦ୍ର ମଣ୍ଡପଠାରେ ଆରମ୍ଭ ହୋଇଛି। କାର୍ଯ୍ୟକ୍ରମରେ ଏକାଡେମିର ଛାତ୍ରୀମାନେ ବିନାୟକ ଜେନା ଓ ଶ୍ରୁତି ବେହେରାଙ୍କ ନୃତ୍ୟ ନିର୍ଦେଶନା ଓ ପ୍ରଦୀପ କୁମାର ଦାଶଙ୍କ ସଙ୍ଗୀତ ସ˚ଯୋଜନାରେ ଗୁରୁ ବ୍ରହ୍ମା… ପରିବେଷଣ କରିଥିଲେ। ଏଥିରେ ସହଯୋଗ କରିଥିଲେ ସୀତାକାନ୍ତ ବେହେରା। ପରେ ଦୀପକ କୁମାର ଜେନା, ଚିନ୍ମୟ ବେହେରା ଓ ହିମା˚ଶୁ କୁମାର ରାୟଙ୍କ ନୃତ୍ୟ ସ˚ଯୋଜନାରେ ‘ସୁନ୍ଦରୀ ଓଡ଼ିଶା’ ପରିବେଷିତ ହୋଇଥିଲା। ଏହାପରେ ସମ୍ବଲପୁରୀ ନୃତ୍ୟରେ ଦୁଲୁକିଥିଲା ମଞ୍ଚ। ଭଗବାନ ବିଷ୍ଣୁଙ୍କ ଦଶାବତାରକୁ ନେଇ ‘କ୍ରୀଷ୍ଣାୟତୁଭ୍ୟମ୍ ନମଃ’ ବେଶ୍ ଚମତ୍କାର ହୋଇଥିଲା। ଏହାପରେ ଗୁରୁ ଯୁଧିଷ୍ଠିର ନାୟକ ଓ ବିଜନ କୁମାର ପଲାଇଙ୍କ ନୃତ୍ୟ ନିର୍ଦେଶନାରେ ପଲ୍ଲବୀ ପରିବେଷିତ ହୋଇଥିଲା। ଯାହା ରାଗ ଆରଭୀ ଓ ତାଳ ଏକ ତାଳି ଉପରେ ଆଧାରିତ ଥିଲା।
Sambad is now on WhatsApp
Join and get latest news updates delivered to you via WhatsApp
ଶେଷରେ ଗୋଟିପୁଅ ନୃତ୍ୟ, ଶଙ୍କରାଭରଣମ୍ ପଲ୍ଲବୀ, ରୁଦ୍ରାବତାର ଆଦି ପରିବେଷିତ ହୋଇଥିଲା। ପଦ୍ମଶ୍ରୀ ଅରୁଣା ମହାନ୍ତି, ମଧୁସ୍ମିତା ମହାନ୍ତି ଓ ସିଦ୍ଧାର୍ଥ ମହାନ୍ତି ପ୍ରମୁଖ ଏଥିରେ ଉପସ୍ଥିତ ଥିଲେ।। ଶ୍ରୀନିବାସ ଘଟୁଆରୀ କାର୍ଯ୍ୟକ୍ରମ ସଂଯୋଜନା କରିଥିଲେ।