କଳାବ୍ୟାଜ୍‌ ପିନ୍ଧି ଓଡ଼ିଶା ପାୱାର ଟ୍ରାନ୍ସମିସନ୍‌ ଇଂଜିନିୟର୍ସ ସଂଘର ପ୍ରତିବାଦ

ଭୁବନେଶ୍ବର: ଚାରି ଦଫା ଦାବି ନେଇ ଆଜି ଓଡ଼ିଶା ପାୱାର ଟ୍ରାନ୍ସମିସନ୍‌ ଇଂଜିନିୟର୍ସ ସଂଘ ଓପିଟିସିଏଲ୍‌ ମୁଖ୍ୟ କାର୍ଯ୍ୟାୟ ସମ୍ମୁଖରେ ପ୍ରତିବାଦ ଜଣାଇଛି। କର୍ମଚାରୀମାନେ ମୁହଁରେ କଳାବ୍ୟାଜ୍‌ ପରିଧାନ ସହ ହାତରେ କ୍ୟାଣ୍ଡେଲ୍‌ ଧରି ପ୍ରତିବାଦ କରିଥିଲେ।

ଦାବିଗୁଡ଼ିକ ମଧ୍ୟରେ ଖାଲି ପଡ଼ିଥିବା ପଦବିର ତୁରନ୍ତ ପୂରଣ କରିବା, ଇଂଜିନିୟରମାନଙ୍କୁ ମ୍ୟାନେଜର ପଦବି ବଦଳରେ ଇଂଜିନିୟ ମାନ୍ୟତା ଦେବା, ସମସ୍ତ ଓପିଟିସିଏଲ୍‌ କର୍ମଚାରୀଙ୍କୁ ବୀମା ଅନ୍ତର୍ଭୁକ୍ତ କରିବା, ଏଚ୍‌ଆର୍‌ ଏ ଏବଂ ଏମ୍‌ଏ ପ୍ରଦାନ କରିବା ଆଦି ୪ଦଫା ଦାବି ନେଇ ସଂଘ ଗର୍ଜିଥିଲା। ସଂଘର ଉପ ସଭାପତି ସମରଜିତ୍‌ ମହାପାତ୍ର, ସହ ସମ୍ପାଦକ ଦିଲ୍ଲୀପ କୁମାର ଜେନା, କୋଷାଧ୍ୟକ୍ଷ ବିପ୍ଳବ ବେହେରାଙ୍କ ନେତୃତ୍ବରେ କର୍ମଚାରୀମାନେ ଉପସ୍ଥିତ ରହି ପ୍ରତିବାଦ ଜଣାଇଥିଲେ। ତୁରନ୍ତ ପଦକ୍ଷେପ ନିଆନଗଲେ କଲମ ଛାଡ଼ ଓ ଅସହଯୋଗ ଆନ୍ଦୋଳନକୁ ଆପଣାଇବେ ବୋଲି ସଂଘ ଚେତାବନୀ ଦେଇଛି।