ଚନ୍ଦ୍ରଶେଖରପୁର : ପଟିଆସ୍ଥିତ ଓଡିଏମ୍‌ ପବ୍ଲିକ୍‌ ସ୍କୁଲ୍‌କୁ ଡିଜିଟାଲ୍‌ ଲର୍ଣ୍ଣିଙ୍ଗ୍‌ ତରଫରୁ ୨୦୧୭ ଶିକ୍ଷା ବର୍ଷ ନିମନ୍ତେ ‘ଟପ୍‌ ପ୍ରି ସ୍କୁଲ୍‌ ର‍୍ୟାଙ୍କିଙ୍ଗ୍‌-୨୦୧୭’ ମାନ୍ୟତା ପ୍ରଦାନ କରାଯାଇଛି। ଏହି ଅବସରରେ ‘ସିକ୍ସଥ୍‌ ସ୍କୁଲ୍‌ ଲିଡରସିପ୍‌ ସମିତି’ ତରଫରୁ ନୂଆଦିଲ୍ଲୀର ଏରସ୍‌ ହୋଟେଲ୍‌ଠାରେ ଅନୁଷ୍ଠିତ ଏକ ବର୍ଣ୍ଣାଢ୍ୟ ଉତ୍ସବରେ ଓଡିଏମ୍‌ ଶିକ୍ଷାନୁଷ୍ଠାନର ପ୍ରତିଷ୍ଠାତା ଅଧ୍ୟକ୍ଷ ଡ. ସତ୍ୟବ୍ରତ ମୀନକେତନଙ୍କୁ ଏହି ସମ୍ମାନରେ ସମ୍ମାନିତ କରାଯାଇଥିଲା। ଡିଜିଟାଲ୍‌ ଲର୍ଣ୍ଣିଙ୍ଗ୍‌ ତରଫରୁ ଏକ ବିଶେଷଜ୍ଞ କମିଟି ଗଠନ କରାଯାଇ ଗୁଣାତ୍ମକ ଏବଂ ମୂଲ୍ୟବୋଧ ଭିିତ୍ତିକ ପ୍ରି ସ୍କୁଲ୍‌ ଶିକ୍ଷା ପ୍ରଦାନ ନିମନ୍ତେ ଓଡିଏମ୍‌ ପବ୍ଲିକ୍‌ ସ୍କୁଲ୍‌କୁ ଏହି ପୁରସ୍କାର ନିମନ୍ତେ ମନୋନୀତ କରାଯାଇଥିଲା। ଭାରତ ସରକାରଙ୍କ ମାନବ ସମ୍ବଳ ବିକାଶ ମନ୍ତ୍ରାଳୟର ସଚିବ ଅନିଲ୍‌ ସ୍ୱରୂପ ମୁଖ୍ୟ ଅତିଥିଭାବେ ଯୋଗଦେଇ ଅଧ୍ୟକ୍ଷ ଡ. ମୀନକେତନଙ୍କୁ ସମ୍ବର୍ନ୍ଧିର୍ତ କରିଥିଲେ। ଏହି ଅବସରରେ ବିଦ୍ୟାଳୟର ଅଧ୍ୟକ୍ଷ ଡ. ମୀନକେତନ, ନିର୍ଦ୍ଦେଶିକା ଇନ୍ଦୁମତି ରାୟ, ପରାମର୍ଶଦାତା ବ୍ରହ୍ମାନନ୍ଦ ରାଉତ ଏବଂ ବିଦ୍ୟାଳୟ ପରିଚାଳନା କମିଟିର ସଦସ୍ୟ ପ୍ରମୁଖ ସମସ୍ତ ଶିକ୍ଷକ ଶିକ୍ଷୟିତ୍ରୀ, ଅଭିଭାବକ ତଥା ଛାତ୍ରଛାତ୍ରୀମାନଙ୍କୁ କୃତଜ୍ଞତା ଜ୍ଞାପନ କରିଛନ୍ତି।