କଟକରେ ଗାତରେ ପଡିଗଲେ ବୃଦ୍ଧ
କଟକ: ସିଲଭର ସିଟିବାସୀଙ୍କୁ ବର୍ଷା ଚିନ୍ତା । ଅସରାଏ ବର୍ଷାରେ ବେହାଲ ସିଲଭର ସିଟି । ମଝିରାସ୍ତାରେ ଖେଳୁଛି ପାଣିର ଚକ୍ରବ୍ୟୁହ । ବର୍ଷା ହେଲେ ପୋଖରୀରେ ପରିଣତ ହୋଇଯାଉଛି ରାଜରାସ୍ତା । ସିସିଟିଭିରେ କଏଦ୍ ହୋଇଥିବା ଏହି ଦୃଶ୍ୟ ହିଁ ବୟାନ୍ କରୁଛି କଟକ ମହାନଗର ନିଗମର ଅପରାଗତା । ଏହି ଭିଡ଼ିଓକୁ ଦେଖିଲେ ସିଲଭର ସିଟିର ବାସ୍ତବ ଚିତ୍ର ଆପଣ ଜାଣିପାରିବେ ।
Sambad is now on WhatsApp
Join and get latest news updates delivered to you via WhatsApp
ଦେଖନ୍ତୁ ବର୍ଷା ପରେ ଏହି ବୃଦ୍ଧ ବ୍ୟକ୍ତି ଜଣକ ପାହାଚ ତଳକୁ ପାଦ ରଖୁ ରଖୁ ତାଙ୍କର ଅବସ୍ଥା କିପରି ହେଉଛି । ବର୍ଷା ହେବା ପରେ ପାଣିରେ ଭର୍ତ୍ତି ହୋଇଯାଇଥିଲା ପୁରା ରାସ୍ତା | ରାସ୍ତାରେ ଗର୍ତ୍ତ କେଉଁଠି ଅଛି ତାହା ଜଣାପଡ଼ିନଥିଲା |
ବୃଦ୍ଧ ଜଣକ ପାହାଚ ତଳକୁ ଓହ୍ଲାଇବା ପରେ ଗାତରେ ପଡିଯାଇଛନ୍ତି | ଡ୍ରେନେଜ ସୁବିଧା ନଥିବାରୁ ପାଣି ନିଷ୍କାସନ ନହୋଇ ରାଜରାସ୍ତାରେ ଜମି ରହୁଛି | ବର୍ଷା ଦିନେ କୁତ୍ରିମ ବନ୍ୟା ଘେରରେ ରହୁଥିବା ସିଲଭର ସିଟର ସ୍ଥିତି କେବେ ସୁଧୁରିବ ତାହା ପ୍ରଶ୍ନବାଚୀ ସୃଷ୍ଟିକରିଛିି ।