ଧଉଳି: ଧଉଳି ଥାନା ଅନ୍ତର୍ଗତ ରଘୁନାଥପୁର ଅଞ୍ଚଳରେ ଆଜି ସଂଧ୍ୟାରେ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର ହୋଇଛି । ମୃତ ବୃଦ୍ଧ ଜଣକ ହେଲେ ଅଙ୍କୁର ଭୋଇ (୬୬) । ପାରିବାରିକ କଳହକୁ କେନ୍ଦ୍ର କରି ଅଙ୍କୁର ବେକରେ ରଶିବାନ୍ଧି ଆତ୍ମହତ୍ୟା କରିଥିବା ସ୍ଥାନୀୟଲୋକଙ୍କ ସୂତ୍ରରୁ ପ୍ରକାଶ।
ଖବର ପାଇ ଧଉଳି ଥାନା ପୁଲିସ ଘଟଣାସ୍ଥଳରେ ପହଞ୍ଚି ସଂପୃକ୍ତ ପରିବାର ଲୋକଙ୍କ ସମେତ ସ୍ଥାନୀୟ ଲୋକଙ୍କୁ ପଚରାଉଚରା କରିଥିଲା । ହେଲେ ପରିବାର ଲୋକ ଅଭିଯୋଗ କରିବାକୁ ମନା କରିବାରୁ ପୁଲିସ ଶବ ବ୍ୟବଚ୍ଛେଦ ନେଇ ହସ୍ପିଟାଲ ପଠାଇବା ପରିବର୍ତ୍ତେ ଫେରି ଆସିଥିବା ସୂଚନା ମିଳିଛି । ତେଣୁ ଥାନାରେ ଏନେଇ କୌଣସି ମାମଲା ରୁଜୁ ହୋଇ ନାହିଁ ।
Sambad is now on WhatsApp
Join and get latest news updates delivered to you via WhatsApp
ଆତ୍ମହତ୍ୟାର ପ୍ରକୃତ କାରଣ କ’ଣ ଜଣା ପଡ଼ିନଥିବା ବେଳେ ଘରୋଇ କଳହକୁ କେନ୍ଦ୍ର କରି ଏଭଳି ଚରମ ପଦକ୍ଷେପ ନେଇଥିବା ଆଲୋଚନା ହେଉଛି । ଅପରାହ୍ନରେ ଅଙ୍କୁର ଘରୁ ରାଗିକରି ପଳାଇ ଆସିଥିଲେ । ଏହାପରେ ଘର ନିକଟସ୍ଥ ତୋଟା ଭିତରୁ ତାଙ୍କ ମୃତଦେହ ଉଦ୍ଧାର ହୋଇଥିବା ଖବର ମିଳିଛି ।