ଭୁବ‌ନେଶ୍ବର: ପ୍ରାଚୀନ କାଳରୁ ଖାଇବା ପୂର୍ବରୁ ଭଗବାନଙ୍କୁ ଭୋଗ ଅର୍ପଣ କରିବାର ପରମ୍ପରା ରହିଆସିଛି। ଯେତେବେଳେ ରାଜା, ମହାରାଜାମାନେ ଶାସନ କରିବ‌ା ଆରମ୍ଭ କଲେ, ସେମାନେ ପୁରୋହିତ ଶ୍ରେଣୀଙ୍କ ଦ୍ୱାରା ଏହି ଧାର୍ମିକ ପ୍ରଥାକୁ କିଛି ଭିନ୍ନ ରୂପ ଦେଲେ। ଧୀରେଧୀରେ ପରମେଶ୍ୱରଙ୍କୁ ଭୋଗ ପ୍ରଦାନ କରିବା ପରିବର୍ତ୍ତେ, ଲୋକମାନେ ରାଜାଙ୍କୁ ଭୋଗ ପ୍ରଦାନ କରିବା ଆରମ୍ଭ କଲେ। ଏହି ପରମ୍ପରାକୁ ଆହ୍ବାନ କରି ରାଜା ପ୍ରଜାମାନଙ୍କୁ ନିର୍ଯାତନା ଓ ଶୋଷଣ କରିବା ଆରମ୍ଭ କଲେ। ଏହିପରି ଏକ ବିଷୟକୁ ନେଇ ‘ରାଜଭୋଗ-ୱିସ୍‌ ଇଜ୍ ଲ’ କାହାଣୀ ରବୀନ୍ଦ୍ର ମଣ୍ଡପରେ ମଞ୍ଚସ୍ଥ ହୋଇଛି। ‘ସମ୍ର‌ାଟ ସିଏ କଳାର ପୂଜାରୀ’ ଅନୁଷ୍ଠାନ ପକ୍ଷରୁ ଆୟୋଜିତ ଏହି ନାଟକର ରଚନା ଶରତ ସମ୍ରାଟ କରିଛନ୍ତି। ଏଥି‌ରେ ଶରତଙ୍କ ସହ ଶ୍ରାବଣୀ, ସୁଭାଷ ପଣ୍ଡା, ମୂରଲି, ଓମ୍‌କାର, ଦିବ୍ୟ, ବନ୍ଦିତା, ମୀନା, ଅନିଲ, ଆର୍ଯ୍ୟନ, ସୌମ୍ୟାଶ୍ରୀ, ଦିବ୍ୟାଶ୍ରୀ, ସୌମ୍ୟା, ସୋମନାଥ, ଅଜୟ, କରନ, ଦୀବଙ୍କର, ଦେବାଶିଷ ଅଭିନୟ କରିଥିଲେ।