ଓପିଟିସିଏଲ୍‌ ପରିଚାଳନା ନିର୍ଦ୍ଦେଶକଙ୍କୁ ଶ୍ରେଷ୍ଠ ପ୍ରଶାସକ ସମ୍ମାନ

ଭୁବନେଶ୍ବର: ଓଡ଼ିଶା ବିଦ୍ୟୁତ୍ ଶକ୍ତି ସଂଚାରଣ ନିଗମ ଲି. (ଓପିଟିସିଏଲ୍‌ର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ସଞ୍ଜୟ କୁମାର ମିଶ୍ର ଶ୍ରେଷ୍ଠ ପ୍ରଶାସକ ସମ୍ମାନରେ ସମ୍ମାନିତ ହୋଇଛନ୍ତି। ‘ଇଣ୍ଟରଭ୍ୟୁ ଟାଇମ୍‌ସ’ ପତ୍ରିକାର ଏକାଦଶତମ ବାର୍ଷିକ ଉତ୍ସବ ଅବସରରେ ଶ୍ରୀ ମିଶ୍ରଙ୍କ ସମେତ ଓଡ଼ିଶାର ବିଭିନ୍ନ କ୍ଷେତ୍ରରେ ପ୍ରେରଣା ସୃଷ୍ଟି କରିଥିବା ୨୦ଜଣ ଶ୍ରେଷ୍ଠ ବ୍ୟକ୍ତିତ୍ୱଙ୍କୁ ସମ୍ମାନିତ କରାଯାଇଛି।

ପ୍ରଶାସନିକ ସେବା କ୍ଷେତ୍ରରେ ଶ୍ରୀ ମିଶ୍ରଙ୍କୁ ଏହି ସମ୍ମାନ ମିଳିଛି। ଓପିଟିସିଏଲର ପରିଚାଳନା ନିର୍ଦ୍ଦେଶକ ଭା‌ବେ କୋଭିଡ୍‌ ପ୍ରତିବନ୍ଧକ ଓ ପ୍ରାକୃତିକ ବିପର୍ଯୟ ସମୟରେ ଓପିଟିସିଏଲର ଉଲ୍ଲେଖନୀୟ ପ୍ରଦର୍ଶନ ପାଇଁ ସେ ପ୍ରସଂଶିତ ହୋଇଛନ୍ତି। ଓଡ଼ିଶା ସରକାରଙ୍କ ‘୫-ଟି’ ମନ୍ତ୍ରକୁ ସଫଳ ରୂପାୟନ କରିବା ପାଇଁ ଓପିଟିସିଏଲରେ ଇ-ଅଫିସ୍, ଗ୍ରିଡ୍‌ ଅଟୋମେସନ୍ ଓ ରିମୋଟ୍ ପରିଚାଳନା ପ୍ରଭୃତି ଆଧୁନିକ ଜ୍ଞାନ‌କୌଶଳକୁ ପ୍ରଣୟନ କରିବାରେ ସେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଏହି ସମ୍ମାନ ପାଇବା ପରେ ଓପିଟିସିଏଲ୍‌ର ସମସ୍ତ ନିର୍ଦ୍ଦେଶକ, ଉଚ୍ଚପଦସ୍ଥ ଅଧିକାରୀ ଓ କର୍ମକର୍ତ୍ତା ଅଭିନନ୍ଦନ ଜଣାଇଛନ୍ତି।