ଖଣ୍ଡଗିରି: ଓଡ଼ିଶା କୃଷି ଓ ବୈଷୟିକ ବିଶ୍ବବିଦ୍ୟାଳୟ (ଓୟୁଏଟି)‌ ଶିକ୍ଷକ ସଂଘର ନୂତନ କର୍ମକର୍ତ୍ତାଙ୍କ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହୋଇଯାଇଛି। କୁଳପତି ପ୍ରଫେସର ସୁରେନ୍ଦ୍ରନାଥ ପଶୁପାଳକଙ୍କ ଉପସ୍ଥିତିରେ ପୋଷ୍ଟ ଗ୍ରାଜୁଏଟ୍‌ ଡିନ୍‌ ପ୍ରଫେସର ‌ଭବେନ୍ଦ୍ର ବୈଶାଖ ନୂତନ କର୍ମକର୍ତ୍ତାମାନଙ୍କୁ ଶପଥ ପାଠ କରାଇଥି‌ଲେ। ସଭାପତିଭାବେ ପ୍ରଫେସର ଲଡୁ କିଶୋର ରଥ, ଉପସଭାପତି ପ୍ରଫେସର ମହିମା ପ୍ରସାଦ ବେହେରା, ସାଧାରଣ ସମ୍ପାଦକ ପ୍ରଫେସର ସର୍ବନାରାୟଣ ମିଶ୍ର, ଯୁଗ୍ମ ସମ୍ପାଦକ ଡ. ପ୍ରସନ୍ନ କୁମାର ରଥ ଓ କୋଷାଧ୍ୟକ୍ଷଭାବେ ଡ. କୈଳାସ ସାମଲ ଶପଥପାଠ କରିଥିଲେ। ଶେଷରେ କୁଳପତି ପ୍ରଫେସର ପଶୁପାଳକ ସଂଘର ନୂତନ କର୍ମକର୍ତ୍ତାମାନଙ୍କୁ ଶୁଭେଚ୍ଛା ଜଣାଇବା ସହ ଓୟୁଏଟିର ମର୍ଯ୍ୟାଦା ବୃଦ୍ଧି ପାଇଁ ମିଳିତଭାବେ କାର୍ଯ୍ୟ କରିବାକୁ ସଂଘଠାରୁ ସମସ୍ତ ସହଯୋଗ କାମନା କରିଥିଲେ।