ଭୁବନେଶ୍ବର : ଡାକ୍ତର ପ୍ରଦୀପ ସେଠୀ ଓ ଡାକ୍ତର ଆରିକା ବଂଶଲଙ୍କ କେଶ ପ୍ରତିରୋପଣକୁ ନେଇ ପ୍ରକାଶିତ ‘ଷ୍ଟେପ୍‌ ବାଇ ଷ୍ଟେପ୍‌ ହେୟାର ଟ୍ରାନ୍ସପ୍ଲାଣ୍ଟେସନ୍‌’ ପୁସ୍ତକ ଆଜି ହୋଟେଲ ନ୍ୟୁ ମାରିଅନ୍‌ଠାରେ ଲୋକାର୍ପିତ ହୋଇଛି। ଉତ୍ସବରେ ରାଜ୍ୟ ଯୁବ ମଙ୍ଗଳ ବୋର୍ଡର କାର୍ଯ୍ୟନିର୍ବାହୀ ଅଧ୍ୟକ୍ଷ ଅରୂପ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗ ଦେଇ ପୁସ୍ତକ ଲୋକାର୍ପଣ କରିଥିଲେ। କାର୍ଯ୍ୟକ୍ରମରେ ସମ୍ମ‌ାନିତ ଅତିଥି ଭାବେ ମେୟର ଅନନ୍ତ ନାରାୟଣ ଜେନା, ଓଟିଡିସି ଅଧ୍ୟକ୍ଷ ଦିଲ୍ଲୀପ ତିର୍କି, ପୂର୍ବତନ ପ୍ରଶାସକ ରବି ନନ୍ଦ ଓ ଅଭିନେତା କୁନା ତ୍ରିପାଠୀ ପ୍ରମୁଖ ଯୋଗ ‌ଦେଇଥିଲେ। ଡାକ୍ତର ଶ୍ରୀ ସେଠୀ ସ୍ବାଗତ ଭାଷଣ ଦେଇଥିଲେ। ଡାକ୍ତର ବଂଶଲ ଓ ଡାକ୍ତର ପ୍ରିୟଦର୍ଶିନୀ ଦାସ ପ୍ରମୁଖ ଉତ୍ସବରେ ଉପସ୍ଥିତ ଥିଲେ।