ବାଲିପାଟଣା : ବାଲିପାଟଣା ଥାନା ବେଙ୍ଗବତୀ ବସ୍ତିର କୁତୁବ୍‌ଅଲ୍ଲୀ ସାହାଙ୍କ ପିକ୍‌-ଅପ୍‌ ଭ୍ୟାନ୍‌ଟି ପୋଡ଼ି ପାଉଁଶ ହୋଇଯାଇଛି। ଗତ ରାତିରେ ଘର ଆଗରେ ସେ ଗାଡ଼ି ପାର୍କିଂ କରିଥିବା ବେଳେ ରାତି ପ୍ରାୟ ସାଢ଼େ ୨ଟାରେ ହଠାତ୍‌ ବିସ୍ଫୋରଣ ହୋଇଥିଲା। ଶବ୍ଦ ଶୁଣି କୁତୁବ୍‌ ବାହାରକୁ ଆସି ଦେଖିବା ବେଳକୁ ଗାଡ଼ିଟି ହୁତୁହୁତୁ ହୋଇ ଜଳୁଥିବା ଦେଖିବାକୁ ପାଇଥିଲେ। ଖବର ପାଇ ବାଲିପାଟଣା ଦମକଳବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା। ଏନେଇ ସେ ଥାନାରେ ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ କରୁଛି। କେହି ଦୁର୍ବୃତ୍ତ ଜାଣିଶୁଣୁ ଗାଡ଼ିରେ ନିଆଁ ଲଗାଇ ଦେଇଥିବା ସନ୍ଦେହ କରାଯାଉଛି।