୧୦୪କୁ ଫେକ୍ କଲ୍ : ୩୮ ଜଣଙ୍କ ନାଁରେ ଥାନାରେ ମାମଲା, ଗୋଟିଏ ନମ୍ବରରୁ ଆସିଥିଲା ସର୍ବାଧିକ ୨୭୯ଟି କଲ୍
ଭୁବନେଶ୍ବର: ୧୦୪ ନମ୍ବରକୁ ଫେକ୍ କଲ ମାମଲା ଥାନାକୁ ଗଲା । ସହିଦନଗର ଥାନାରେ ୩୮ ଜଣଙ୍କ ନାଁରେ ମାମଲା ରୁଜୁ କଲା ପୁଲିସ୍ । ତେବେ ସବୁଠାରୁ ଲଜ୍ଜାଜନକ କଥା ହେଲା, କେବଳ ଗୋଟିଏ ନମ୍ବରରୁ ୧୦୪କୁ ସର୍ବାଧିକ ୨୭୯ ଥର କଲ୍ ଆସିଥିବା କଥା ମାମଲା ରୁଜୁ ହେବା ପରେ ସାମ୍ନାକୁ ଆସିଛି । ତେବେ କରୋନା ଭଳି ମାରାତ୍ମକ ଭୂତାଣୁର ସଂକ୍ରମଣ ରୋକିବା ସହ ବିଦେଶ ଫେରନ୍ତାଙ୍କ ପଞ୍ଜୀକରଣ ଉଦ୍ଦେଶ୍ୟରେ କାର୍ଯ୍ୟକାରୀ କରୁଥିବା ଏହି ନମ୍ବରକୁ କିଛି ଅସାମାଜିକ ବ୍ୟକ୍ତି କଲ୍ କରି ମହିଳା କର୍ମଚାରୀଙ୍କୁ ହଇରାଣ କରୁଥିବା ଘଟଣା ସାମ୍ନାକୁ ଆସିଥଲା ।
Sambad is now on WhatsApp
Join and get latest news updates delivered to you via WhatsApp
ଏହି ୧୦୪ କଲ ସେଣ୍ଟରେ ସମସ୍ତଙ୍କ ସୁରକ୍ଷା ଏବଂ କରୋନା ଲଢ଼େରେ ବିଜୟ ପାଇଁ ଦିନରାତି ଏକ କରି କାର୍ଯ୍ୟ କରୁଛନ୍ତି । ହେଲେ ଏଭଳି କରୋନା ଯୋଦ୍ଧାମାନଙ୍କୁ ଫେକ୍ କଲ୍ କରି ପ୍ରେମ ନିବେଦନ କରିବା ସହ ଥଟ୍ଟାମଜା କରି କିଛି ଅଭଦ୍ର ବ୍ୟକ୍ତି ତାଙ୍କ କାର୍ଯ୍ୟକ୍ଷେତ୍ରରେ ବାଧା ସୃଷ୍ଟି କରିଥିବା ସାମ୍ନାକୁ ଆସିଥିଲା । ତେଣୁ ସରକାର ଏମାନଙ୍କ ବିରୋଧରେ କଠୋରରୁ କଠୋର କାର୍ଯ୍ୟାନୁଷ୍ଠାନ ନେବେ ସରକାର । କାରଣ କୋଭିଡ୍-୧୯ ନିୟମ ଅନୁସାରେ କରୋନା ଭଳି ବିପତ୍ତି ସମୟରେ ଯଦି କରୋନା ଯୋଦ୍ଧାଙ୍କୁ ଅସଦ ବ୍ୟବହାର କିମ୍ବା ସେମାନଙ୍କ କାର୍ଯ୍ୟକ୍ଷେତ୍ରରେ ବାଧା ସୃଷ୍ଟି କରାଯାଏ ତେବେ ସେ ଯିଏ ହେଉ କି ନାହିଁ ତାଙ୍କ ବିରୋଧରେ ରାଷ୍ଟ୍ରଦୋହ ମାମଲା ଲାଗିବ । ଆଉ ସେମାନେ ଜେଲ ମଧ୍ୟ ଯିବେ ବୋଲି ଗତକାଲି ଚେତାବନୀ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ତେବେ କରୋନା ସମସ୍ୟା ନେଇ ୧୦୪ କଲ୍ ସେଣ୍ଟରକୁ ପ୍ରତିଦିନ ୧୫ ହଜାରରୁ ଅଧିକ କଲ୍ ଆସୁଥିବାବେଳେ ୩ରୁ ୪ ହଜାର ଫେକ୍ କଲ ଆସୁଥିବା ଗତକାଲି ୧୦୪ କଲ୍ ସେଣ୍ଟର ପକ୍ଷରୁ ସୂଚନା ଦିଆଯାଇଥିଲା । ଅନ୍ୟପଟେ ଏଭଳି ଅସାମାଜିକ ଲୋକଙ୍କୁ ତୁରନ୍ତ ଗିରଫ କରି ସେମାନଙ୍କ ବିରୋଧରେ କଡ଼ା କର୍ଯ୍ୟାନୁଷ୍ଠାନ ନେବାକୁ ବିଭିନ୍ନ ମହଲରୁ ଦାବି ଜଣାଇଥିଲେ ।