ସୁନ୍ଦରପଦାରେ ପୁଲିସର ଫ୍ଲାଗ୍ମାର୍ଚ
ପୁରୁଣା ଭୁବନେଶ୍ୱର : ସୁନ୍ଦରପଦାରେ ଶୁକ୍ରବାର ଦିନ ପୁଲିସ ପକ୍ଷରୁ ଫ୍ଲାଗ୍ମାର୍ଚ କରାଯାଇଛି। ସୁନ୍ଦରପଦାରେ ପ୍ରତିବର୍ଷ ମକର ଉତ୍ସବ ବଡ଼ ଜାକଜକମରେ ପାଳିତ ହୋଇଥାଏ। ତେବେ ସରକାରଙ୍କ କୋଭିଡ୍ କଟକଣା ବଳବତ୍ତର ଥିବାରୁ କେଉଁଠାରେ ଯେମିତି ଭିଡ଼ ନ ହୁଏ, ତାହା ସୁନିଶ୍ଚିତ କରାଇବା ପାଇଁ ଶୁକ୍ରବାର ଦିନ ପୁଲିସ ପକ୍ଷରୁ ଏପରି ପଦକ୍ଷେପ ନିଆଯାଇଥିବା କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ଅପରପକ୍ଷେ କିଛି ଦିନ ତଳେ ସୁନ୍ଦରପଦା ହଜ୍ ପୋଖରୀ ନିକଟରେ ଏକ ହତ୍ୟାକାଣ୍ଡ ଘଟିଥିଲା। ସେହି ଘଟଣାକୁ ନେଇ ଏବେ ବି କପିଳପ୍ରସାଦ ଓ ସୁନ୍ଦରପଦା ମଧ୍ୟରେ ଚାପା ଉତ୍ତେଜନା ଲାଗି ରହିଛି। ତେଣୁ କୌଣସି ଅପ୍ରୀତିକର ପରିସ୍ଥିତି ଉପୁଜିବାର ଆଶଙ୍କା ଥିବାରୁ ଏହି ଫ୍ଲାଗମାର୍ଚ ଜରିଆରେ ପୁଲିସ ଅସାମାଜିକ ତତ୍ତ୍ବଙ୍କୁ ଚେତାବନୀ ଦେଇଥିବା କୁହାଯାଉଛି।