ମିଥ୍ୟା ଖବର ଭାଇରାଲ୍ କଲେ ବାନ୍ଧିବ ପୁଲିସ୍
ଚନ୍ଦ୍ରଶେଖରପୁର: ସୋସିଆଲ ମିଡିଆରେ ମିଥ୍ୟା ଖବର ପୋଷ୍ଟ କରି ଭାଇରାଲ୍ କରୁଥିବା ବ୍ୟକ୍ତି ସାବଧାନ ରହନ୍ତୁ । କାରଣ ମିଥ୍ୟା ଖବର ଭାଇରାଲ୍ କଲେ ଏବେ ପୁଲିସ୍ ବାନ୍ଧିବ ।
Sambad is now on WhatsApp
Join and get latest news updates delivered to you via WhatsApp
ମଙ୍ଗଳବାର ଇନ୍ଫୋସିଟି ଥାନା ଅଧୀନ ବିଗ୍ ବଜାର ନିକଟରେ ଦହିବରା ବ୍ୟବସାୟ କରୁଥିବା କେଶବ ଚନ୍ଦ୍ର ଭୂଆଁ ନାମକ ଜଣେ ବ୍ୟକ୍ତିଙ୍କ ଟ୍ରଲିକୁ ପୁଲିସ ଗାଡି ଦର୍ଶାଇ ଚାଲାଣ କାଟିଥିବା ଖବର ଏକ ନ୍ୟୁଜ୍ ପୋର୍ଟାଲରେ ପୋଷ୍ଟ ହୋଇଥିଲା । କିଛି ସମୟ ପରେ ଏହାକୁ ଡିଲିଟ୍ କରାଯାଇଥିଲା । ମାତ୍ର କିଛି ବ୍ୟକ୍ତି ଏହାର ସ୍କ୍ରିନ୍-ସଟକୁ ବିଭିନ୍ନ ସାମାଜିକ ଗଣମାଧ୍ୟମ ଗ୍ରୁପରେ ଭାଇରାଲ୍ କରିଥିଲେ । ଥାନା ଆଇଆଇସି ବିଶ୍ୱଜିତ ମହାନ୍ତି ଘଟଣାର ତଦନ୍ତ କରି ଏହା ସମ୍ପୂର୍ଣ୍ଣ ମିଛ ବୋଲି ଜାଣିବାକୁ ପାଇଥିଲେ । ପୁଲିସ୍ ଏବେ ଭାଇରାଲ କରୁଥିବା ବ୍ୟକ୍ତିଙ୍କୁ ଗିରଫ କରିବା ପାଇଁ ଯୋଜନା କରୁଛି । ଏଥିସହ ପୋର୍ଟାଲ ମାଲିକଙ୍କୁ ମଧ୍ୟ ଖୋଜୁଛି ।
ଅପରପକ୍ଷରେ ହ୍ୱାଟସ୍ଆପ୍, ପୋର୍ଟାଲ, ୱେବ ଚ୍ୟାନେଲ ଓ ଫେସବୁକ୍ ସହ ଅନ୍ୟ ସୋସିଆଲ୍ ମିଡିଆରେ ବାରମ୍ବାର କିଛି ବ୍ୟକ୍ତି ଗୁଜବକୁ ଭାଇରାଲ କରୁଥିବା ବେଳେ ଏବେ ସେହି ବ୍ୟକ୍ତିମାନଙ୍କୁ ପୁଲିସ ଟ୍ରାକିଂ କରି ଗିରଫ କରିବ ବୋଲି ସୂଚନା ମିଳିଛି । ସୋସିଆଲ୍ ମିଡିଆରେ ପୋଷ୍ଟ କରି ପୁଣି ଡିଲିଟ୍ କଲେ ମଧ୍ୟ ସଂମ୍ପୃକ୍ତ ଅଭିଯୁକ୍ତଙ୍କୁ ଗିରଫ କରାଯିବ ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି।