ପ୍ରଭାତ ମଞ୍ଜରୀ ସ୍ମୃତିସମ୍ମାନ ଉତ୍ସବ

ଭୁବନେଶ୍ୱର: ଲକ୍ଷ୍ମୀସାଗରସ୍ଥିତ ବିଡିଏ କଲୋନି ଟାଉନ୍‌ ହଲ୍‌ରେ ୧୬ତମ ପ୍ରଭାତ ମଞ୍ଜରୀ ସ୍ମୃତି ସମ୍ମାନ ସମାରୋହରେ ପାଳିତ ହୋଇଯାଇଛି। ବରିଷ୍ଠ ସାମ୍ବାଦିକ ସୁରେନ୍ଦ୍ର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ପ୍ରଦୋଷ କୁମାର ପଟ୍ଟନାୟକ ମୁଖ୍ୟ ଅତିଥି, ସ୍ୱାମୀ ଜଗନ୍ନାଥ ନନ୍ଦ ମୁଖ୍ୟବକ୍ତା ଏବଂ କାଳୀଚରଣ ଦାସ, ବଳରାମ ରାୟ ଓ ଶୁଭ୍ରାଂଶୁ ମହାନ୍ତି ପ୍ରମୁଖ ସମ୍ମାନିତ ବକ୍ତା ଯୋଗଦେଇ ସମାଜ ପ୍ରତି ସ୍ୱର୍ଗତ ମହାନ୍ତିଙ୍କ ଅବଦାନ ବିଷୟରେ ଆଲୋକପାତ କରିଥିଲେ।

ଏହି ଅବସରରେ ମୁଖ୍ୟ ଅତିଥି ଶ୍ରୀ ପଟ୍ଟନାୟକ କାଳୀଚରଣ ଦାସଙ୍କୁ ପ୍ରଭାତ ମଞ୍ଜରୀ ସମ୍ମାନରେ ସମ୍ମାନିତ କରିଥିଲେ। ସେହିପରି ବଳରାମ ରାୟଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା। ଉତ୍ସବକୁ ଜ୍ଞାନରଞ୍ଜନ ନାୟକ ସଂଯୋଜନା କରିଥିବା ବେଳେ ଅଭିପ୍ସା ମହାନ୍ତି ସ୍ୱାଗତ ଭାଷଣ ଦେଇଥିଲେ। ବୀରେନ୍‌ ମହାନ୍ତି, ଉତ୍ପଳା ମହାନ୍ତି ଓ ଶର୍ମିଲା ମହାନ୍ତି ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।