ଜେଇଇ ମେନ୍‌ ପରୀକ୍ଷା ପାଇଁ କମିସନରେଟ୍‌ ପୁଲିସ୍‌ର ପ୍ରସ୍ତୁତି

ଭୁବନେଶ୍ୱର : ଆସନ୍ତାକାଲି ଜେଇଇ ମେନ୍‌ ପ୍ରବେଶିକା ପରୀକ୍ଷା ଭୁବନେଶ୍ୱର ଓ କଟକର ବିଭିନ୍ନ କେନ୍ଦ୍ରରେ ଅନୁଷ୍ଠିତ ହେବ। ଏଥିପାଇଁ କମିସନରେଟ ପୁଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି। ପୁଲିସ କମିସନର ସୁଧାଂଶୁ ଷଡ଼ଙ୍ଗୀଙ୍କ ଅଧ୍ୟକ୍ଷତାରେ ଆଜି ବସିଥିବା ପ୍ରସ୍ତୁତି ବୈଠକରେ ସୁରକ୍ଷାକୁ ନେଇ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି।

ବିଏମ୍‌ସିର ବରିଷ୍ଠ ଅଧିକାରୀ ଓ କଲେଜ କର୍ତ୍ତୃପକ୍ଷଙ୍କ ସହ ହୋଇଥିବା ଆଲୋଚନାରେ ରାଜଧାନୀର ୬ଟି ଓ କଟକର ଗୋଟିଏ ସେଣ୍ଟର୍‌ରେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିବା ସୂଚନା ଦିଆଯାଇଛି। ସେଣ୍ଟର୍‌ ବାହାରେ ପୁଲିସ୍‌ର କଡ଼ା ପହରା ରହିବା ସହ ଜଣେ ଏସିପି ଓ ଦୁଇଜଣ ଇନ୍ସପେକ୍ଟର୍‌ ଏହି ସୁରକ୍ଷା ବ୍ୟବସ୍ଥାର ତଦାରଖ କରିବାକୁ ନିର୍ଦ୍ଦେଶ ହୋଇଛି। ସେଣ୍ଟର୍‌ ଭିତରେ ଓ ବାହାରେ ଯେଭଳି କୋଭିଡ୍‌ କଟକଣା ଶତପ୍ରତିଶତ ପାଳନ ହେବ, ତାହା ପୁଲିସ ନିଶ୍ଚିତ କରାଇବ। ସେଣ୍ଟର୍‌ ବାହାରେ ଅଭିଭାବକମାନେ ଭିଡ଼ ନକରିବାକୁ କୁହାଯାଇଛି। ସାନିଟାଇଜ୍ କରିବା ପାଇଁ ମଧ୍ୟ ଏକ ସ୍ୱତନ୍ତ୍ର ଟିମ୍ ରହିବ ବୋଲି ଜଣାପଡ଼ିଛି।

ସମ୍ବନ୍ଧିତ ଖବର

Comments are closed.