ଭୁବନେଶ୍ବର: ୨୦ ତାରିଖ ଦିନ ହେବାକୁ ଥିବା ପ୍ରଧାନମନ୍ତ୍ରୀଙ୍କ ରୋଡ୍ ସୋ’କୁ ନେଇ ଆଜି କମିସନରେଟ୍ ପୁଲିସ ପକ୍ଷରୁ ଉତ୍କଳ ବିଶ୍ବବିଦ୍ୟାଳୟର ଦୀକ୍ଷାନ୍ତ ଭବନରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ପୁଲିସ କମିସନର ଏସ୍ ଦେବଦତ୍ତ ସିଂ, ଅତିରିକ୍ତ ପୁଲିସ କମିସନର ନରସିଂହ ଭୋଳ, ପୁଲିସ ଆଇଜି ଅନୁପ ସାହୁ, ଭୁବନେଶ୍ବର ଡିସିପି ଜଗମୋହନ ମୀନା, ଡିଆଇଜି ବାତୁଲା ଗଙ୍ଗାଧର, ଚରଣ ସିଂହ ମୀନା, ଯୁଗଳ କିଶୋର ବନୋଥ୍, ଖୋର୍ଦ୍ଧା ଏସ୍ପି ସାଗରିକା ନାଥ, କଟକ ଡିସିପି ରିଷିକେଶ ଦ୍ୟାନ୍ଦେଓ ଖିଲାରୀ ପ୍ରମୁଖ ଉପସ୍ଥିତ ଥିଲେ। ୧୬ ଡିସିପି ରୢାଙ୍କ୍ର ଅଧିକାରୀଙ୍କ ନେତୃତ୍ବରେ ୩୩ ଏଡିସିପି, ୯୩ ଏସିପି, ୧୦୬ ଆଇଆଇସି ଓ ୧୩୩ ପ୍ଲାଟୁନ୍ ପୁଲିସ ଫୋର୍ସ ରୋଡ୍ ସୋ’ର ପୂରା ସୁରକ୍ଷା ଦାୟିତ୍ବରେ ରହିବେ ବୋଲି ସ୍ଥିର କରାଯାଇଛି। ଆସନ୍ତାକାଲି ଅପରାହ୍ଣ ୩ଟା ୪୫ ମିନିଟରେ କାର୍କେଡ୍ ରିହର୍ସାଲ୍ କରାଯିବ। ବୈଠକ ପରେ ଅଧିକାରୀମାନେ କାର୍କେଡ୍ ରିହର୍ସାଲ୍ ସ୍ଥାନକୁ ଯାଇ ସୁରକ୍ଷା ବ୍ୟବସ୍ଥା ଯାଞ୍ଚ କରିଥିଲେ। ପରେ ମୁଖ୍ୟ ଶାସନ ସଚିବ ମନୋଜ ଆହୁଜା ଓ ଡିଜିପି ଯୋଗେଶ ବାହାଦୁର ଖୁରାନିଆ ଅଧିକାରୀମାନଙ୍କ ସହ ଆଲୋଚନା କରିଥିଲେ।
ଏହି ରୋଡ୍ ସୋ’ ପାଇଁ ଟ୍ରାଫିକ କଟକଣା ଜାରି କରାଯାଇଛି। କଟକ ପଟୁ ଜାତୀୟ ରାଜପଥରେ ଆସୁଥିବା ବସ୍ଗୁଡ଼ିକ ରସୁଲଗଡ଼ ରେଲ୍ୱେ ଓଭର ବ୍ରିଜ୍ଠାରୁ ସର୍ଭିସ୍ରୋଡ୍ରେ ଆସି ବାଣୀବିହାର ଛକ ଦେଇ ଆଚାର୍ଯ୍ୟବିହାର ଛକରୁ ଡାହାଣ ମୋଡ଼ ନେଇ ଆପୋଲୋ ହସ୍ପିଟାଲ୍ ସୈନିକ ସ୍କୁଲ୍ ପର୍ଯ୍ୟନ୍ତ ଯାଇ ପାରିବେ। ଖୋର୍ଦ୍ଧା ପଟୁ ଜାତୀୟ ରାଜପଥ ଆସୁଥିବା ବସ୍ଗୁଡ଼ିକ ଜୟଦେବବିହାର ଫ୍ଲାଏ ଓଭର ବ୍ରିଜ୍ ଅତିକ୍ରମ କଲା ପରେ ସର୍ଭିସ୍ ରୋଡ୍ରେ ଆଚାର୍ଯ୍ୟବିହାର ଛକରୁ ଆପୋଲୋ ହସ୍ପିଟାଲ୍ ସୈନିକ ସ୍କୁଲ୍ ରାସ୍ତା ନାଲ୍କୋ ଛକ କଳିଙ୍ଗ ହସ୍ପିଟାଲ୍ ରାସ୍ତା ଦେଇ ରେଲ୍ୱେ କଲୋନି ଗୋଲେଇ ଛକଠାରୁ ଉତ୍କଳ ହସ୍ପିଟାଲ୍ ଏବଂ ହାତିଆସୁଣୀ ଛକ ରାସ୍ତାରେ ରହିବେ। ନନ୍ଦନକାନନ ପଟୁ ଆସୁଥିବା ବସ୍ଗୁଡ଼ିକ ନାଲ୍କୋ ଛକ କଳିଙ୍ଗ ହସ୍ପିଟାଲ୍ ରାସ୍ତା ଦେଇ ରେଲୱେ କଲୋନି ଗୋଲେଇ ଛକ ଠାରୁ ଉତ୍କଳ ହସ୍ପିଟାଲ୍ ଏବଂ ହାତିଆସୁଣୀ ଛକ ରାସ୍ତାରେ ପାର୍କିଂ କରିବେ। ପୁରୀ ପଟୁ ଆସୁଥୁବା ବସ୍ଗୁଡ଼ିକ କଳ୍ପନା ଛକ ରାଜମହଲ ଛକରୁ ଶିଶୁଭବନ ଛକ ଦେଇ କ୍ୟାପିଟାଲ୍ ହସ୍ପିଟାଲ୍ ଛକ ପର୍ଯ୍ୟନ୍ତ ପାର୍କିଂ କରିବେ। ସେହିଭଳି କାର୍ ଓ ବାଇକ୍ ପାଇଁ ବିମାନବନ୍ଦର ଗୋଲେଇରଠାରୁ ପାଣିଟାଙ୍କି ଉଭୟ ପାର୍ଶ୍ବ ରାସ୍ତାରେ ପାର୍ଶ୍ୱ, ମେଟ୍ରୋଲୋଜିକାଲ୍ ଗ୍ରାଉଣ୍ଡ, କ୍ୟାପିଟାଲ୍ ହସ୍ପିଟାଲ୍ ଠାରୁ ଶିଶୁଭବନ ରାସ୍ତାରେ ପାର୍ଶ୍ୱ, ଶାସ୍ତ୍ରୀନଗରର ଠାରୁ ଇଞ୍ଜିନିୟରିଂ ଉଭୟ ପାର୍ଶ୍ବ ରାସ୍ତାରେ, ହିନ୍ଦ୍ ସ୍କୁଲ୍, ବେହେରାସାହିରୁ ନିକୋ ପାର୍କ ଉଭୟ ପାର୍ଶ୍ବ, ୟୁନିଟ୍ ୯ ସ୍ୱାଧୀନତା ସଂଗ୍ରାମୀ ପଡ଼ିଆରେ ପାର୍କିଂ କରିପାରିବେ। ସାଲିଆସାହି ଯାତ୍ର ପଡ଼ିଆ, କେଳୁ ଚରଣ ଓଡ଼ିଶୀ ଗବେଷଣା କେନ୍ଦ୍ର, ଏକ୍ସଆଇଏମ୍ବି, କଳିଙ୍ଗ ଷ୍ଟାଡିୟମ, ସର୍ଭେ ଅଫ୍ ଇଣ୍ଡିଆ ଠାରୁ ୱାଇ ଜଙ୍କସନ୍ ରୋଡ ପାର୍କିଂ, ଓଏଭିଏସ୍ ପାର୍କିଂରେ କେବଳ କାର୍ ପାର୍କିଂ କରିପାରିବେ। ନାଇଜର୍ ପାର୍କିଂ କେବଳ ମିଡିଆ ପାର୍କିଂ ରହିବ। ସୈନିକ ସ୍କୁଲ ପାର୍କିଂରେ ବସ୍ ଓ କାର୍ ଉଭୟ ପାର୍କିଂ କରିପାରିବେ। ଏହା ବ୍ୟତୀତ ଖୋର୍ଦ୍ଧା ପଟୁ ଭୁବନେଶ୍ବର ଦେଇ କଟକ ଆଡ଼କୁ ଯିବାକୁ ଚାହୁଥିବା ଭାରୀଯାନଗୁଡ଼ିକ ପିତାପଲ୍ଲୀ ଛକ ଠାରୁ ଚନ୍ଦକା ଛକ ଦେଇ କଟକ ଆଡ଼କୁ ଯାଇପାରିବେ। ସେହିପରି, କଟକ ପଟୁ ଆସୁଥୁବା ଭାରୀଯାନଗୁଡ଼ିକ ବାଲିକୁଦା ଛକ ଠାରୁ ତ୍ରିଶୁଳିଆ ଛକ ଦେଇ ପିତାପଲ୍ଲୀ ଛକ ଆଡ଼କୁ ଯାଇପାରିବେ।
Advertisment

Sambad is now on WhatsApp
Join and get latest news updates delivered to you via WhatsApp