ଭୁବନେଶ୍ବର: ଆଉ ୧୧ ବର୍ଷ ପରେ ଆମ ସ୍ବତନ୍ତ୍ର ଓଡ଼ିଶା ପ୍ରଦେଶ ୧୦୦ ବର୍ଷରେ ପହଞ୍ଚିବ। ୨୦୩୬ ମସିହା ବେଳକୁ ଆମେ ଓ ଆମ ଭବିଷ୍ୟତ ପିଢ଼ି ଓଡ଼ିଶାର ସ୍ୱାଭିମାନ ଓ ଅସ୍ମିତାକୁ ନେଇ ଗର୍ବିତ ହେବେ ନା ଲଜ୍ଜା ଅନୁଭବ କରିବେ? ୧୦୦ ବର୍ଷର ଓଡ଼ିଶାକୁ ଆମେ କ’ଣ କେବଳ ଉତ୍ସବ ପାଳନରେ ସୀମିତ ରଖିବା? ଏଭଳି ପ୍ରଶ୍ନ କରି ଆଜି ମାଷ୍ଟରକ୍ୟାଣ୍ଟିନ ଛକରେ ପ୍ରତିବାଦ କରିଛି ‘ଉଠ ଓଡ଼ିଆ ସଂଗଠନ’। ଆଜି ଇଂରାଜୀ ଭାଷାରେ ମାଷ୍ଟରକ୍ୟାଣ୍ଟିନ ଛକରେ ଲେଖାଥିବା ‘ଆଇ ଲଭ୍ ଭୁବନେଶ୍ବର’କୁ ଏକ କପଡ଼ା ଢାଙ୍କି ଏହା ଉପରେ ଓଡ଼ିଆ ଭାଷାରେ ‘ମୋ ପ୍ରିୟ ଭୁବନେଶ୍ବର’ ଲେଖି ବିକ୍ଷୋଭ ପ୍ରଦର୍ଶନ କରାଯାଇଥିଲା।
ସଂଗଠନ ପକ୍ଷରୁ ଓଡ଼ିଆ ଅସ୍ମିତାକୁ ପୁନଃପ୍ରତିଷ୍ଠା କରିବା ପାଇଁ ସଂକଳ୍ପବଦ୍ଧ ହେବା ନିମନ୍ତେ ଏହି ପ୍ରତିବାଦ ସଭା ଆୟୋଜନ କରାଯାଇଥିଲା। ଏଥିରେ ପଦ୍ମ ଚରଣ ନାୟକ, କାହ୍ନୁ ଚରଣ ବେହୁରା, ବିଚିତ୍ର ବିଶ୍ୱାଳ, ଅଶୋକ ଜେନା, ଦୁର୍ଗା ଦାସ, ଅରୁଣ ସ୍ବାଇଁ, ଦିବାକର ବାରିକ, ରମେଶ ମଲ୍ଲିକ, ମଳୟ ତ୍ରିପାଠୀ, ରାଜଶ୍ରୀ ବିଶ୍ୱାଳ, ଇନ୍ଦୁମତି ସାହୁ, ସୁନିତା ଦାସ ପ୍ରମୁଖ ଯୋଗ ଦେଇଥିଲେ।