ରେଡିଓ ଚକ୍‌ଲେଟ୍‌ର ରଜ ରାଜକୁମାରୀ ବିଜେତା ପୁରସ୍କୃତ

ଭୁବନେଶ୍ୱର: ଓଡ଼ିଶାର ଗଣପର୍ବ ରଜ ଉପଲକ୍ଷେ ରେଡିଓ ଚକ୍‌ଲେଟ୍‌ ୧୦୪ ଏଫ୍.ଏମ୍ ପକ୍ଷରୁ ଆୟୋଜିତ ‘ରୁଚି ରଜ ରାଜକୁମାରୀ’ ପ୍ରତିଯୋଗିତାର କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଛି। ଭୁବନେଶ୍ୱର ଅଞ୍ଚଳରୁ ୩ଜଣ ଏବଂ ରାଉଲକେଲା ଅଞ୍ଚଳରୁ ୩ଜଣ ସ୍ବର୍ଣ୍ଣମୁଦ୍ରା ବିଜେତା ହୋଇଥିବା ବେଳେ ଅନ୍ୟ ୧୦୦ଜଣ ଅାକର୍ଷଣୀୟ ପୁରସ୍କାର ଜିତିଛନ୍ତି। କରୋନା କଟକଣାକୁ ଅାଖି ଅାଗରେ ରଖି ପର୍ଯ୍ୟାୟକ୍ରମେ ଏହି ପୁରସ୍କାର ବିତରଣ କରାଯିବ। ଇତିମଧ୍ୟରେ ଦୁଇଟି ପର୍ଯ୍ୟାୟ ପୁରସ୍କାର ବିତରଣ ସରିଛି। ପ୍ରଥମ ପର୍ଯ୍ୟାୟରେ ଭୁବନେଶ୍ୱର ଅଞ୍ଚଳର ୩ଜଣ ସ୍ବର୍ଣ୍ଣମୁଦ୍ରା ବିଜେତାଙ୍କ ସହ ଅନ୍ୟ ୧୨ଜଣଙ୍କୁ ପୁରସ୍କୃତ କରାଯାଇଥିବା ବେଳେ ଦ୍ୱିତୀୟ ପର୍ଯ୍ୟାୟରେ ୧୪ଜଣଙ୍କୁ ପୁରସ୍କାର ଦିଅାଯାଇଛି। କୃତୀ ପ୍ରତିଯୋଗୀଙ୍କୁ ରୁଚି ମସଲାର ସେଲ୍ସ ମୁଖ୍ୟ ଦିଲ୍ଲୀପ ସାହୁ ପୁରସ୍କୃତ କରିଥିଲେ।

ସବୁ ବିଜେତାଙ୍କୁ ଶୁଭେଚ୍ଛା ଜଣାଇବା ସହ ଅାଗାମୀ ଦିନରେ କରୋନା କଟକଣା ଅନୁସାରେ ଭୁବନେଶ୍ୱର ଅଞ୍ଚଳର ବାକି ପ୍ରତିଯୋଗୀଙ୍କ ସମେତ ରାଉଲକେଲା ଅଞ୍ଚଳର ପ୍ରତିଯୋଗୀମାନଙ୍କୁ ପର୍ଯ୍ୟାୟକ୍ରମେ ପୁରସ୍କୃତ କରାଯିବ ବୋଲି ରେଡିଓ ଚକଲେଟ୍‌ ତରଫରୁ କୁହାଯାଇଛି।