ଚନ୍ଦ୍ରଶେଖରପୁର: ଅଭିନେତା ତଥା ଦିଗପହଣ୍ଡି ବିଧାୟକ ସିଦ୍ଧାନ୍ତ ମହାପାତ୍ର ସଡ଼କ ସୁରକ୍ଷା ପାଇଁ କମିସନରେଟ ପୁଲିସ୍ ସହଯୋଗରେ ଏକ ଅଭିନବ ସଚେତନତା ଅଭିଯାନ ଆରମ୍ଭ କରିଛନ୍ତି। ରାସ୍ତା ଉପରେ ଟ୍ରାଫିକ୍ ପୋଷାକ ପିନ୍ଧି ଅମାନିଆଙ୍କୁ ସଚେତନ କରୁଛନ୍ତି। ହେଲମେଟ୍ ପିନ୍ଧିବା, ସିଟ୍ବେଲ୍ଟ ବାନ୍ଧିବା, ରଙ୍ଗରୁଟ୍ରେ ଗାଡ଼ି ନଚଲାଇବା ସହିତ ଟ୍ରାଫିକ୍ର ସମସ୍ତ ନିୟମକୁ ମାନିବା ପାଇଁ ବୁଲି ବୁଲି ବିଭିନ୍ନ ଛକରେ ସଚେତନ କରୁଛନ୍ତି। ଆଜି ଇନ୍ଫୋସିଟି ରୋଡ୍ରେ ଏକାଧିକ ଯୁବକ ଯୁବତୀ ନିୟମ ନମାନି ଗାଡ଼ି ଚଲାଉଥିବା ଦେଖି ସେମାନଙ୍କୁ ରାସ୍ତାରେ ଅଟକାଇ ସିଦ୍ଧାନ୍ତ ସଚେତନ କରାଇଛନ୍ତି। ଏହି ସମୟରେ ସେ ଅନେକ ଅଣଓଡ଼ିଆ ଛାତ୍ରଛାତ୍ରୀଙ୍କୁ ସାବାଡ଼ କରିବା ପାଇଁ ଗାଡ଼ି ଅଟକାଇଥିଲା ବେଳେ ଛାତ୍ରଛାତ୍ରୀମାନେ ତାଙ୍କୁ ସତସତିଆ ଟ୍ରାଫିକ୍ ଅଧିକାରରୀ ଭାବି କନ୍ଦାକଟା ଆରମ୍ଭ କରିଦେଇଥିଲେ। ପରେ ନିଜର ପରିଚୟ ଦେଇ ସେ ଟ୍ରାଫିକ୍ ନିୟମ ମାନିବାକୁ ଯୁବପିଢ଼ିଙ୍କୁ ନିବେଦନ କରିଥିଲେ। ନିଜର ଭୁଲ ଜାଣିପାରି ଛାତ୍ରଛାତ୍ରୀମାନେ ମଧ୍ୟ ସିଦ୍ଧାନ୍ତଙ୍କ ମନ୍ତବ୍ୟକୁ ସମ୍ମାନଜଣାଇବା ସହ ଆଉ ଭୁଲ ନକରିବା ପାଇଁ ଶପଥ ନେଇଥିଲେ। ସିଦ୍ଧାନ୍ତଙ୍କ ଏପରି ଜନହିତକର ପଦକ୍ଷେପକୁ ବିଭିନ୍ନ ମହଲରେ ପ୍ରଶଂସା କରାଯାଇଛି।
ଟ୍ରାଫିକ୍ ପୁଲିସ୍ ବେଶରେ ସାବାଡ୍ କଲେ ସିଦ୍ଧାନ୍ତ
ଅଭିନେତା ତଥା ଦିଗପହଣ୍ଡି ବିଧାୟକ ସିଦ୍ଧାନ୍ତ ମହାପାତ୍ର ସଡ଼କ ସୁରକ୍ଷା ପାଇଁ କମିସନରେଟ ପୁଲିସ୍ ସହଯୋଗରେ ଏକ ଅଭିନବ ସଚେତନତା ଅଭିଯାନ ଆରମ୍ଭ କରିଛନ୍ତି। ରାସ୍ତା ଉପରେ ଟ୍ରାଫିକ୍ ପୋଷାକ ପିନ୍ଧି...
/sambad/media/media_files/2025/07/08/qazwsxedc-2025-07-08-05-47-08.jpg)