ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ପୁରୁଣା ଭୁବନେଶ୍ୱର: ଏୟାରଫିଲ୍‌ଡ ଥାନା ଅଧୀନ କୁହା ଅଞ୍ଚଳରେ ଏକ ଭଡ଼ାଘରୁ ଜଣେ ଯୁବକଙ୍କ ଝୁଲନ୍ତା ମୃତଦେହକୁ ପୁଲିସ ଜବତ କରିଛି। ମୃତକ ହେଲେ, ତ୍ରିଲୋଚନ ଲେଙ୍କା (୩୮)। ପୁଲିସ୍‌ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ତ୍ରିଲୋଚନ ଏକ କମ୍ପାନିରେ ଚାଳକ ଭାବେ କାମ କରନ୍ତି। ପ୍ରାୟ ସମୟ ସେ ନିଶାସକ୍ତ ଅବସ୍ଥା‌ରେ ରହୁଥିଲେ।

ତେବେ କେଉଁ କାରଣରୁ ସେ ଏଭଳି ଏକ ଚରମ ପଦକ୍ଷେପ ନେଲେ, ସେ ସଂପର୍କରେ ପୁଲିସ୍‌ ତଦନ୍ତ ଚଳାଇଛି। ପୁଲିସ୍‌ ଶବକୁ ବ୍ୟବଚ୍ଛେଦ ପାଇଁ ପଠାଇବା ସହ ଏନେଇ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି।