ରିଲାଏନ୍ସ-ସ୍ମାର୍ଟରୁ ଡକାୟତି ଉଦ୍ୟମ ପଣ୍ଡ, ୫ ଗିରଫ, ମାରଣାସ୍ତ୍ର ଜବତ
ଭୁବନେଶ୍ୱର : ନୂଆପଲ୍ଲୀ ଥାନା ପୁଲିସ୍ ରବିବାର ବିଳମ୍ବିତ ରାତିରେ ଏକ ଅପହରଣ ଉଦ୍ୟମ ପଣ୍ଡ କରିବା ସହ ୫ ଅଭିଯୁକ୍ତଙ୍କୁ ଗିରଫ କରିଛି। ଦୁର୍ବୃତ୍ତମାନେ ରବିବାର ରାତି ପ୍ରାୟ ସାଢ଼େ ୧୨ଟା ବେଳେ ଇସ୍କନ୍ ଆରପଟ ରାସ୍ତାରେ ଥିବା ରିଲାଏନ୍ସ-ସ୍ମାର୍ଟରେ ଡକାୟତି କରିବାକୁ ଉଦ୍ୟମ କରିଥିଲେ। ଦୁର୍ବୃତ୍ତମାନେ ମାରଣାସ୍ତ୍ର ଧରି ମଲ୍ରେ ପଶିବାକୁ ଉଦ୍ୟମ କରୁଥିବା ବେଳେ ସେଲ୍ସ-ବଏ ଦୋକାନର ସଟର୍ ବନ୍ଦ କରିଦେଇଥିଲେ। ଫଳରେ ଦୁର୍ବୃତ୍ତମାନେ ମଲ୍ ଭିତରେ ଫସି ଯାଇଥିଲେ।
Sambad is now on WhatsApp
Join and get latest news updates delivered to you via WhatsApp
ଖବର ପାଇ କିଛି କ୍ଷଣ ମଧ୍ୟରେ ନୂଆପଲ୍ଲୀ ପୁଲିସ୍ ଘଟଣାସ୍ଥଳରେ ପହଞ୍ଚି ପୂରା ସିନେମା ଷ୍ଟାଇଲରେ ଅଭିଯୁକ୍ତମାନଙ୍କୁ ଚାରିପଟୁ ଘେରି କାବୁ କରିଥିଲା। ପୁଲିସ୍ ସେମାନଙ୍କଠାରୁ ଖଣ୍ଡା, ଭୁଜାଲି ଭଳି ମାରଣାସ୍ତ୍ର ଜବତ କରିଛି। ଆଜି ସେମାନଙ୍କୁ କୋର୍ଟଚାଲାଣ କରାଯିବ ବୋଲି ଜଣାଯାଇଛି।