ଭୁବନେଶ୍ବର : ମଞ୍ଚେଶ୍ବରସ୍ଥିତ ଆବାସିକ +୨ ବିଜ୍ଞାନ ମହାବିଦ୍ୟାଳୟ ‘ରୟାଲ କଲେଜ ଅଫ୍‌ ସାଇନ୍ସ ଆଣ୍ଡ ଟେକ୍ନୋଲୋଜି’ ପରିସରରେ ଏହାର ଷୋଡ଼ଶତମ ବାର୍ଷିକୋତ୍ସବ ଆଜି ଅନୁଷ୍ଠିତ ହୋଇଯାଇଛି। କଲେଜର ଚେୟାରମ୍ୟାନ ବିଷ୍ଣୁମୋହନ ମହାନ୍ତିଙ୍କ ସଭାପତିତ୍ବରେ ଆୟୋଜିତ ଏହି ଉତ୍ସବରେ ଉତ୍କଳ ସଂସ୍କୃତି ବିଶ୍ବବିଦ୍ୟାଳୟର କୁଳପତି କମଳାକାନ୍ତ ମିଶ୍ର, ସମ୍ମାନିତ ଅତିଥି ଭାବେ ପ୍ରଫେସର ଜୟକୃଷ୍ଣ ପାଣିଗ୍ରାହୀ ଓ ବିଜେବି କଲେଜର ପୂର୍ବତନ ଅଧ୍ୟକ୍ଷ ଆର୍‌. ପି ରୁଥ୍‌ ପ୍ରମୁଖ ଯୋଗ ଦେଇଥିଲେ। ଏହି ଅବସରରେ କଲେଜର ମୁଖପାତ୍ର ‘ଦ ଏଲାନ୍‌ ଭାଇଟାଲ୍‌’ ଉନ୍ମୋଚିତ ହୋଇଥିଲା। କାର୍ଯ୍ୟକ୍ରମରେ ଶଙ୍କର ନାରାୟଣ ବେଜଙ୍କୁ ‘ରୟାଲ ଟିଚର ଅଫ୍ ଦ ଇୟର ସମ୍ମାନ’ରେ ସମ୍ମାନିତ କରାଯାଇଛି। କଲେଜ ଛାତ୍ରୀ ଅଭିପ୍ସା ଜେନା ଓ ଶାଶ୍ବତୀ ଦାଶ ଅତିଥି ପରିଚୟ ପ୍ରଦାନ କରିଥିଲେ। ସମ୍ବିତ କୁମାର ମିଶ୍ର ଧନ୍ୟବାଦ ଜଣାଇଥିଲେ। କଲେଜର ଅଧ୍ୟକ୍ଷ ଜୀବନ କିଶୋର ମିଶ୍ର ବାର୍ଷିକ ବିବରଣୀ ପାଠ କରିଥିଲେ। କଲେଜର ନିର୍ଦ୍ଦେଶକ ପ୍ରଶାନ୍ତ ନାଥ ଧନ୍ୟବାଦ ଜଣାଇଥିଲେ। ଶେଷରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।