ଭୁବନେଶ୍ୱର: ବ୍ଲାକ୍ ଇଗଲ ବୁକ୍ସ ପ୍ରକାଶନ ସଂସ୍ଥା ପକ୍ଷରୁ ସତ୍ୟ ପଟ୍ଟନାୟକଙ୍କ ‘ସାହିତ୍ୟର ମାଟି ଓ ଆକାଶ’ ପୁସ୍ତକ ଆଜି ତାଙ୍କ ଜନ୍ମ ତିଥି ଅବସରରେ ପ୍ରକାଶନୀ ସଂସ୍ଥା କାର୍ଯ୍ୟାଳୟ ଉନ୍ମୋଚିତ ହୋଇଛି। ପୁସ୍ତକକୁ ଉନ୍ମୋଚନ କରି ବିଶିଷ୍ଟ ଲେଖକ ହରପ୍ରସାଦ ଦାସ କହିଲେ, ସତ୍ୟଙ୍କ ଓଡ଼ିଶା ପ୍ରତି ମମତା ତଥା ଓଡ଼ିଆ ଭାଷାର ପ୍ରଚାର ଓ ପ୍ରସାର ଦିଗରେ ଉଦ୍ୟମ ପ୍ରଶଂସନୀୟ। କାର୍ଯ୍ୟକ୍ରମରେ ବିଶିଷ୍ଟ କଥାକାର ଗୌରହରି ଦାସ ମୁଖ୍ୟ ଅତିଥି ଭାବେ ଯୋଗଦେଇ ସତ୍ୟଙ୍କ ରଚିତ କାବ୍ୟ ଓ ଗଳ୍ପ ଉପରେ ଆଲୋଚନା କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ସାରସ୍ବତ ଆସରରେ ପ୍ରେମାନନ୍ଦ ମହାପାତ୍ର, ଆଦ୍ୟାଶା ଦାସ, ସଂଘମିତ୍ରା ଭଞ୍ଜ, ବିଜୟଲକ୍ଷ୍ମୀ ପଟ୍ଟନାୟକ, ସୋନାଲି ସାହୁ, ଦୀପ୍ତିମୟୀ ସାହୁ ଓ ଅଶୋକ ପରିଡ଼ାଙ୍କ ସମେତ ଅନେକ ଲେଖକ ଯୋଗଦାନ କରି ତାଙ୍କ ଦୀର୍ଘ ଜୀବନ କାମନା କରିବା ସହ ତାଙ୍କ ସାହିତ୍ୟର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ। ୩୧ଟି ପ୍ରବନ୍ଧ ଏହି ବହିରେ ସ୍ଥାନିତ ହୋଇଛି ଯାହାକୁ ଭି. ରାଜେନ୍ଦ୍ର ରାଜୁ ଓ ରଶ୍ମି ଦାସ ସମ୍ପାଦନା କରିଛନ୍ତି।