ଖଣ୍ଡଗିରିରେ ଅର୍ପିତା, ସିଲ୍କି, ଅନନ୍ୟା ପ୍ରଥମ; ତମାଣ୍ଡୋରେ କ୍ରିତିକା, କୃପାଞ୍ଜଳି ଓ ସାଇ ପ୍ରଥମ
‘ସମ୍ବାଦ’ ଓ ‘ଆମ ଓଡ଼ିଶା’ର ରାଜ୍ୟସ୍ତରୀୟ ବାର୍ଷିକ ପ୍ରତିଯୋଗିତା-୨୦୧୯
ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ଖଣ୍ଡଗିରିରେ ଓଡ଼ିଆ ଭାଷାଜ୍ଞାନ ଓ ପ୍ରବନ୍ଧ ପ୍ରତିଯୋଗିତାରେ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର, ଖଣ୍ଡଗିରିର ଅର୍ପିତା ପଟ୍ଟନାୟକ ପ୍ରଥମ ଓ ଗୀତାଞ୍ଜଳି ରଥ ଦ୍ବିତୀୟ, ତପୋବନ ଉଚ୍ଚ ବିଦ୍ୟାଳୟର ମଣ୍ଟୁ ଗାଗାରାଇ ତୃତୀୟ ସ୍ଥାନ ଅଧିକାର କରିଥିଲେ। ହସ୍ତାକ୍ଷରରେ ସରସ୍ବତୀ ଶିଶୁ ବିଦ୍ୟାମନ୍ଦିର, ଧର୍ମବିହାରର ଛାତ୍ରୀ ସିଲ୍କି ସୁହାନୀ ପ୍ରଥମ, ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଖଣ୍ଡଗିରିର ଛାତ୍ରୀ ଶୁଭମ୍ପ୍ରିୟା ବାରିକ ଦ୍ବିତୀୟ ଓ ସରସ୍ବତୀ ଶିଶୁ ବିଦ୍ୟାମନ୍ଦିର, ଘାଟିକିଆର ସ୍ମାଇଲ୍ ପଣ୍ଡା ତୃତୀୟ ହୋଇଥିଲେ। ଚିତ୍ରାଙ୍କନରେ ୟୁନିଟ୍-୮ ଡିଏଭିର ଅନନ୍ୟା ରାଉତ ପ୍ରଥମ, ଡିଏଭି କଳିଙ୍ଗ ନଗରର ଦିବ୍ୟାଙ୍କିତା ଦାସ ଦ୍ବିତୀୟ ଓ ସେଣ୍ଟ୍ ଜାଭିୟର୍ସ ହାଇସ୍କୁଲ୍ର ଶ୍ରାଗ୍ଭି ଶରଣ୍ୟା ୩ୟ ସ୍ଥାନ ଅଧିକାର କରିଥିଲେ। ଲେଖକ ଡ. କିଶୋର ଚନ୍ଦ୍ର ପାଢ଼ୀ, ଲେଖିକା ଅଧ୍ୟାପିକା ସସ୍ମିତା ଷଡ଼ଙ୍ଗୀ, ଚିତ୍ରଶିଳ୍ପୀ ବ୍ରଜକିଶୋର ଜେନା ଓ ଶଶାଙ୍କ ଶେଖର ସେଠୀ ବିଚାରକ ଭାବେ ଯୋଗଦେଇ କୃତୀ ପ୍ରତିଯୋଗୀଙ୍କୁ ବାଛିଥିଲେ। ଖଣ୍ଡଗିରି ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ପରିଚାଳନା କମିଟି ସଦସ୍ୟ ଓ ପ୍ରଧାନ ଶିକ୍ଷକ ରବୀନ୍ଦ୍ର ପାଢ଼ୀଙ୍କ ସହଯୋଗରେ ପରୀକ୍ଷା ଅନୁଷ୍ଠିତ ହୋଇଥିଲା। ସ୍କୁଲ୍ର ଶିକ୍ଷୟିତ୍ରୀ ମଂଜୁଶ୍ରୀ ସାହୁ, ନମିତା ମିଶ୍ର, କାବେରୀ ଦାସ, ଲକ୍ଷ୍ମୀପ୍ରିୟା ସ୍ବାଇଁ ପ୍ରମୁଖ ପରିଚାଳନା କରିଥିଲେ।
Sambad is now on WhatsApp
Join and get latest news updates delivered to you via WhatsApp
ତମାଣ୍ଡୋରେ କ୍ରିତିକା, କୃପାଞ୍ଜଳି ଓ ସାଇ ପ୍ରଥମ
ତମାଣ୍ଡୋ ସରସ୍ବତୀ ଶିଶୁ ବିଦ୍ୟାମନ୍ଦିରରେ ଅନୁଷ୍ଠିତ ବାର୍ଷିକ ପ୍ରତିଯୋଗିତାରେ ସ୍ଥାନୀୟ ୮ଟି ବିଦ୍ୟାଳୟରୁ ମୋଟ୍ ୩୦୨ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ। ଚିତ୍ରାଙ୍କନ ପ୍ରତିଯୋଗିତାରେ ଡିଏଭି କଳିଙ୍ଗନଗରର ସାଇ ଅମ୍ରିତାଂଶୁ, ତମାଣ୍ଡୋ ଏସ୍ଏସ୍ଭିଏମ୍ର ଶିବାନୀ ପରିଡ଼ା ଓ ପାତ୍ରପଡ଼ା ଏସ୍ଏସ୍ଭିଏମ୍ର ସୂର୍ଯ୍ୟକାନ୍ତ ଦାଶ ଯଥାକ୍ରମେ ପ୍ରଥମ, ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ। ହସ୍ତାକ୍ଷର ପ୍ରତିଯୋଗିତାରେ ତମାଣ୍ଡୋ ଏସ୍ଏସ୍ଭିଏମ୍ର କୃପାଞ୍ଜଳି ହରିଚନ୍ଦନ, ପାତ୍ରପଡ଼ା ଭଗବାନପୁର ନୋଡାଲ ଉଚ୍ଚ ବିଦ୍ୟାଳୟର ବୀଣାପାଣି ନାୟକ, ଖଣ୍ଡଗିରି ସେଣ୍ଟ ଜାଭିଅର୍ ହାଇସ୍କୁଲର ଆର୍ଣଭି ରାଉତ ଯଥାକ୍ରମେ ପ୍ରଥମ, ଦ୍ବିତୀୟ ଓ ତୃତୀୟ ପୁରସ୍କାର ପାଇଛନ୍ତି। ସେହିଭଳି ଭାଷାଜ୍ଞାନ ଓ ପ୍ରବନ୍ଧ ପ୍ରତିଯୋଗିତାରେ ତମାଣ୍ଡୋ ଏସ୍ଏସ୍ଭିଏମ୍ର କ୍ରିତିକା ପ୍ରିୟଦର୍ଶିନୀ, ବିଜୟଲକ୍ଷ୍ମୀ ବାରିକ ଓ ସିଜୁଆ ପାତ୍ରପଡ଼ା ଏସ୍ଏସ୍ଭିଏମ୍ର ପ୍ରିୟଦର୍ଶିନୀ ସାହୁ ଯଥାକ୍ରମେ ପ୍ରଥମ, ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ। ଭାଷାଜ୍ଞାନ ଓ ପ୍ରବନ୍ଧ ପ୍ରତିଯୋଗିତା ପାଇଁ ଡ. ବିରାଜମୋହନ ଦାସ ଓ ସୀତେଶ ତ୍ରିପାଠୀ ଏବଂ ହସ୍ତାକ୍ଷର ଓ ଚିତ୍ରାଙ୍କନ ପ୍ରତିଯୋଗିତା ପାଇଁ ଜିତେନ୍ଦ୍ର କୁମାର ଭଞ୍ଜ ଓ ଫିର୍ଦୌସି ତବ୍ସୁମ୍ ବିଚାରକ ଦାୟିତ୍ବ ନିର୍ବାହ କରିଥିଲେ। ପୁରସ୍କାର ବିତରଣୀ ଉତ୍ସବରେ ବିଚାରକମାନଙ୍କ ସହ ତମାଣ୍ଡୋ ଏସ୍ଏସ୍ଭିଏମ୍ର ପ୍ରଧାନ ଆଚାର୍ଯ୍ୟ ଚନ୍ଦ୍ରମୋହନ ନାଥ, ସ୍ମୃତିରଂଜନ ବଳ ଉପସ୍ଥିତ ଥିବା ବେଳେ ବିଦ୍ୟାଳୟର ସମସ୍ତ ଗୁରୁମା, ଗୁରୁଜୀ ଓ ଅନ୍ୟ କର୍ମଚାରୀମାନେ ପ୍ରତିଯୋଗିତା ପରିଚାଳନାରେ ସହଯୋଗ କରିଥିଲେ।