ଭୁବନେଶ୍ୱର: ଗୃହ ନିର୍ମାଣ ଓ ନଗର ଉନ୍ନୟନ  ବିଭାଗର ପ୍ରମୁଖ ଶାସନ ସଚିବ ଉଷା ପାଢୀ ଆଜି ନିକୋ ପାର୍କ ପରିଦର୍ଶନ କରି ଏହାର ସ୍ଥିତି ସମୀକ୍ଷା କରିଛନ୍ତି। ନିକୋ ପାର୍କର ଭିତ୍ତିଭୂମି ଯାଞ୍ଚ କରିଛନ୍ତି। ଏହି ଅଞ୍ଚଳ ଦେଇ ବାହାରିଥିବା ଡ୍ରେନ୍ ନମ୍ବର ୧୦ ଉପୁଜୁଥିବା ସମସ୍ୟା ଓ ଡ୍ରେନ୍ ପୁନରୁଦ୍ଧାର  କାମର ସମୀକ୍ଷା କରିଥିଲେ। ଏହି ଆଲୋଚନାରେ ଏକ ସ୍ଥାୟୀ ଓ ଆୟକାରୀ ବିକାଶ ମଡେଲ ଉପରେ ଗୁରୁତ୍ୱ ଦିଆଯାଇଥିଲା, ଯାହାର ଲକ୍ଷ୍ୟ ପରିବେଶଗତ ସଂରକ୍ଷଣ ଓ ଆର୍ଥିକ ଅଭିବୃଦ୍ଧି ମଧ୍ୟରେ ସନ୍ତୁଳନ ସ୍ଥାପନ କରିବ। ସେ ବାଣୀବିହାର ନିକଟସ୍ଥ ଡ୍ରେନ୍ ନମ୍ବର-୪ ରେ ବ୍ଲୁ ୱେଜ୍‌ ପୁନରୁଦ୍ଧାର ଅଗ୍ରଗତି ମଧ୍ୟ ସମୀକ୍ଷା କରିଛନ୍ତି। ଅଧିକାରୀମାନେ ତାଙ୍କୁ ମାଷ୍ଟର ପ୍ଲାନ୍ ଓ ଅଗ୍ରଗତି ବିଷୟରେ ସୂଚନା ଦେଇଥିଲେ। ପ୍ରକଳ୍ପ ସମୟରେ ଥିବା ସମସ୍ତ ଗଛଗୁଡ଼ିକୁ ସଂରକ୍ଷଣ କରିବା, ଭୂତଳ ଜଳ ସଂରକ୍ଷଣ, ଉପଯୁକ୍ତ ଜଳ ନିଷ୍କାସନ ବ୍ୟବସ୍ଥା ବଜାୟ ରଖିବା ଉପରେ ସେ ଗୁରୁତ୍ୱାରୋପ କରିଥିଲେ।

Advertisment

ପରେ ଶ୍ରୀମତୀ ପାଢୀ  ଚନ୍ଦ୍ରଶେଖରପୁରର ବୁଦ୍ଧବିହାରରେ ଥିବା ଏଏଚ୍‌ପି ପରିଦର୍ଶନ କରିଥିଲେ। ସେଠାରେ ସେ କଲୋନିର ଭିତ୍ତିଭୂମି ସମୀକ୍ଷା କରିବା ସହ ବାସିନ୍ଦାମାନଙ୍କ ସହ ଆଲୋଚନା କରିଥିଲେ। ଏହି ଅବସରରେ ବିଡିଏ ଉପାଧ୍ୟକ୍ଷ ଡ. ଏନ୍. ତିରୁମାଲା ନାଏକ,  ବିଏମ୍‌ସି କମିସନର ରାଜେଶ ପ୍ରଭାକର ପାଟିଲ୍, ବିଡିଏର ବରିଷ୍ଠ ଅଧିକାରୀ ଉପସ୍ଥିତ ଥିଲେ।