ଭୁବନେଶ୍ବର: ପଟିଆ ମ୍ୟାଗ୍‌ନେଟ୍‌ ଛକରେ ଆଜି ରାତି ପ୍ରାୟ ୧୧ଟା ୩୦ ମିନିଟ୍‌ ସମୟରେ ଦୁଇଟି କାର୍‌ ଗୋଡ଼ାଗୋଡ଼ି ହୋଇ ନନ୍ଦନକାନନ ଦିଗରେ ଯାଉଥିବା ବେଳେ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡ଼ିଛି। ପରେ ଭାରସାମ୍ୟ ହରାଇ ଉଭୟ କାର୍‌ ଡିଭାଇଡର୍‌ରେ ପିଟିହୋଇଯାଇଥିଲେ। ଦୁର୍ଘଟଣାରେ ୨ କାର୍‌ର ଚାଳକ ଆହତ ହୋଇଛନ୍ତି। ଏଥିରେ ମର୍ସିଡିଜ୍‌ କାର୍‌(ଓଡି୩୩ଏନ୍‌୮୦୮୮) ସାମାନ୍ୟ କ୍ଷତି ହୋଇଥିବାବେଳେ ଆଉ ଅନ୍ୟ କାର୍‌ଟିର ସମ୍ମୁଖ ଭାଗ ଭାଙ୍ଗିଯାଇଥିବା ଜଣାପଡ଼ିଛି। ଆହତ ଦ୍ବୟଙ୍କ ପରିଚୟ ଜଣା ପଡ଼ିନାହିଁ। ଖବରପାଇ ଇନ୍‌ଫୋସିଟି ପୁଲିସ ଘଟଣାସ୍ଥଳରେ ପହଞ୍ଚି କାର୍‌ ଦୁଇଟିକୁ ଜବତ କରିଛି।